ثانيا هاذي أول مشاركه لي وأتمنى تلقى الإهتمام منكم وأطلب منكم النصيحه من أصحاب الخبره لأنه الموضوع كثير مسبب لي أزمه وهو
أنا صارلي مخطوبه من شهرين, ونحب بعض واجد والحمدلله بس رغم فترة الخطوبه القصيره إلا إني تعبت كثير, خطيبي يحبني لدرجة تخليني أتضايق حيل من حبه وأحس إني مخنوقه,, كنت اقول في البدايه بكره يصير الموضوع عادي وطبيعي ونتعود على بعض, لكن مافي أمل فيه وفوقها لو زعل لا يمكن ينسى, مرات كثيره أقول الأحسن نترك بعض من كثر التعب
أذكر لكم بعض النقاط اللي تضايقني
1- طول الوقت وإحنا على إتصال لو اليوم 24 ساعه إحنا 18 ساعه متواصلين 6 ساعات للنوم و ساعتين للأكل وغيره, ولو طلبت منه نخفف إتصالات يزعل ويا ويلي, تعبت ومليت, لو لقى جهازي إنتظار يا ويلي, وما يخلص التحقيق من اللي إتصل وليش طولتي وش تبي وإلخ, مرات أتقصد أطول مع صحباتي ولو زعل بس عشان ما أكلمه, ولو كنت معاه ممنوع أرد على أي مسج أو مكالمه ثانيه
2- أنا أشتغل صار لي سنه ونص في مكان فيه موظفين وموظفات وهو يشتغل بمكان ثاني بعد فيه تنوع في الجنسين, أغار عليه ويغار علي وهذا شي طبيعي بس المشكله لو قلت له بموقف فيه رجل يعصب ويزعل ولا يشيله من باله ولو كان هذا الموظف قالي بس "صباح الخير", في المقابل هو كم يقولي باللي قالت له أحبك واللي قالت له معجبه فيك واللي واللي ويوريني رسايلهم, أنا أحب أعرف مين ومين تغازله أو إعترفت له بحبها ولكن في نفس الوقت أزعل من فرحته بنفسه والمعجبات وفي الأخير يقولي لو مليون وحده تحبني قلبي وعقلي معاك!! بس يقهرني إذا يغار من شي ومن لا شي ويزعل مني لو غرت عليه
3- ما يحب إني أطلع كثير طبعاً عشان أكون معاه على الجوال على طول أو لو حب يجينا البيت, ولو طلعت طول الوقت وهو يرسل وينتظر مني الرد!! مرات أعصب وأزعل وما أرد وأطلع وبعدها يسويها سالفه ما تخلص
4- إذا زعل كلامه جدا قاسي وأنا أصلا جدا حساسه, لدرجة إني أبكي وأبكي ولما يحس إنه قال اللي بقلبه.. يراضيني والصراحه مرات غصب أرضى وأنا من قلبي مو راضيه بس عشان إني أحبه
5- لما يتكلم معاي كلام في الحب أسلوبه يجنن وفي نفس الوقت أحس إنه مجنون فيني لدرجة لا تطاق أوصل لدرجة أقول له بس بس
6- التهديدات.. لو تركتيني بسوي وبسوي,
أحس إنه يحبني لدرجة التملك وبصوره غير طبيعيه
وفي أشياء أخرى
وربي ما كتبت الموضوع إلا وأنا حاسه بالتعب والملل من هاذي العلاقه مع إني أحبه, ومرات كثيره أفكر إني أفسخ الخطوبه وأتركه, أرجوا منكم النصيحه اللي أستفيد منها أنا ويستفيد منها كل من يمر بنفس الوضع
وجزاكم الله خير
اي شيء تختارينه ؟؟؟؟ظ
تاكدي اختي انو كل هذه التصرفات و الغيرة الكبيرة و التلفونات و ووووو كلها راح تتغير لما تكوني عندو بالبيت اي بعد الزواج و راح ترتاحي و اظن انو راح تشتاقي لايام الخطوبة وين كان خطيبك بيحبك كل هذا الحب
لا تكبري الموضوع و تعمليه مشكلة
استغفري الله و توكلي عليه
و ربنا يوفقك
