يجعل البشرة رائعه >> تمسحين وجهك بقطنه من ماء الورد
ولا تنشفينه خليه هو ينشف وطبعا لا تنسون الرقبه
شربه على الريق >> اختي تعرف وحده بشرتها سمرا شوي
شافتها قبل فتره البنت متغيره بشرتها صافيه ومورده الله لا يضرها
سالتها اختي >> لقافة حريم 
قالت لها انها تشرب موية ورد على الريق طبعا تخففه بشوية ماي
مفيد لتصغير المسام وحبوب الشباب
بقلكم على طريقة انا اسويها …
تعرفون قوالب الثلج اللي نحط فيها ماي بعدين ندخلها بالفريزر
انا بدل الماي احط موية ورد لحاله بدون تخفيف وادخله بالفريزر
بعد الترويش او قبل ما احط مكياج … اخذ ثلجة من موية الورد
وامسح فيها وجهي ورقبتي
مفيد لإزالة الانتفاخات بالعين >> طبعا عن طريق الكمادات بالقطن
مفيد للرموش والهالات السوداء
مفيد لتسلخات الجلد
مفيد جداا للاطفال والكبار وذلك بخلطه مع قليل من
النشاء ويعاد استعماله عدة مرات متتاليه
ماء الورد من خواصه انه مبرد للجلد امن جداا مع الاطفال والكبار
مفيد جداا لمنع الحكه وتخفيف الاحمرار بالجلد