حياالله احبابي
اصابع التمر سهله وبسيطه وطعمها رااائع بشهاده اللي ذاقوه عندي وهو من اختي الحبيبه ماخذته من مدونة ماني عارفه صاحبته لكن جزاها الله كل خير على هالوصفه الحلوه ..وما ادري اذا احد نزلها قبل في ال مدونة ولا لا ..
المقادير ::
3كوب دقيق كويتي
نص كوب زيت او مقدار فنجالين قهوه
2/1 كأس ماء (للعجن)
4/1 كأس ماء دافيء (لتذويب الخميره)
1 ملعقة ك بيكنج باودر
1 ملعقه ك خميرة
2/1 ملعقة ك سكر
ربع ملعقه (ص) ملح
للحشوه:
تمر معبوط مضاف له شوي زبده وقرفه
الطريقه::
ذوبي الخميره بالماء مع السكر ثم نتركها ربع ساعه ثم نضيفها الى باقي المقادير ونعجن حتى نحصل على عجينه مرنه وناعمه ثم نتركها ترتاح لمدة نص ساعه .
نفرد العجينه ثم نبرم التمر ونضعه على طرف العجينه ..
نلف التمر بالعجينه حتى يغطي التمر .
نقطع العجينه ويكون شكلها اسطواني ..
نقطعها على شكل اصابع طول الواحد تقريبا 5سم او حسب رغبتك .
نخفق بيضه ونغمس الاصابع فيها او ندهنها دهن بالبيض ونغمسها باي شئ تحبينه ( اناهنا غمستها بالجوز هند _ فستق _ لوز مبشور _ رشة قرفه )
ندخلها الفرن الى ان تستوي وتتحمر زين وهذا شكلها بعد ما طلعت من الفرن شلت نصها قبل ما اصور
خليها تبرد بعدين رصيها في صحن التقديم او احفظيها بعلب بلاستيكيه مفروشه بالورق
واشكر بنتي الحبيبه 
لانها هي اللي غمستها ورتبتها الله يصلح لي ولكم ولكل مسلم ومسلمه .
اتمنى يحوز على اعجابكم وتجربوه ..
مررررة حلوووووووووووووة
اموووت ع التمر و كل شي به
^^
شكرا لك