في الواقع انا محتار حيث من حديثي مع الفتاة لا أجد انها مختلة عقلياً البتة فحديثها معي حديث الفتاة العاقلة الواعية المدركة لما تقول وقد قلت لها ان والدك ربما لا يريدك ان تتزوجي لكي لا يتم قطع المعونة الحكومية عليه حيث يأخذها كلها ويضعها في جيبه ، كلما اتحدث اليها تبكي بكاء شديد قلبي يتفطر ألما على حالها فلست أدري ما العمل حينما لا أرد على جوالها ترسل لي مسجات عتاب وعندما ارد عليها بعد طول انقطاع تبكي بكاء شديد شديد وتبكيني معها أرجوكم ما الحل أسعفوني .
مشكور يا اخوي على موضوعك الحساس وانا سجلت في ال مدونة فقط عشان ارد لان الموضوع لفتني بينما كنت اتصفح المواضيع
حل مشكلة زي كدا مرره صعب بالنسبة للبنت لانها في نص الحدث لكن بينما انتا في الخارج ان شاء الله راح تقدر تعاونها وتكسب اجر كبير ممكن بسبب مساعدة تافهه بتعيش حياتك في نعيم وترف وراحة صدقني انا جربت دا الشي وصرت مرتاحة بحياتي عشان كدا ما بخلت ودخلت ابغا اساعدها وابغاك تعيش وربي يرزقك بسبب مساعدة تعتبر تافهه بنظرنا لكن بنظر البنت كبيره
ممكن البنت كانت سيئة ولها ماضي ناتج عن ظروف اجتماعية من اهلها او حتى من ظروف نفسية بسبب مراهقتها او بيئية بسبب الصحبة والمحيط
لكن لازم حل لامر زي كدا ودام طلبت منك تتزوج معناة انها ياست وكل تفكيرها تخرج من الهم اللي هيا فيه وحرام انتا تتنكب بحياتك عشان وحدة ما احد يتحمل وزر او ذنب احد لكن اقل حل انا اقدر اخليك تساعدها بيه انك تبلغ جهات حماية العنف الاسري انتا توضح لهم الحاله او هي واذا لقيتها ماهي متقبلة الفكرة او خايفة خليها خايفة ولا انها تتعذب تقدر برقم جوالها تجيب كل بياناتها او انك تسلمهم الرقم وتقولهم المشكلة بالتفصيل
صعب انسان يعيش حياتو بدا الشكل والله يجعل كل دا في ميزان حسناتك ويعطيك اضعاف نيتك وادا حسيت بصعوبة بالموضوع او محتاج شخص يساعدك بلغني وان شاءالله كلو تمام بيكون
دا رقم حماية العنف الاسري
مركز تلقي البلاغات على الرقم المجاني (1919)
ودا الموقع الخاص حقهم اللي فيه الشروط والطريقة وكل البيانات اللي تحتاج تقولها لمن تتصل
http://mosa.gov.sa/portal/modules/sm….php?itemid=13
والله يسهل