التنفس العميق
علاج لكتييييييير من الامراض احدها السرطان
بيساعد على الاسترخاء والصفاء الذهني
بيقوي الذاكرة والانتباه
ودي طريقة عملية وبسيطة جدا نبتدي نتعود بيها على التنفس العميق
بعد كل صلاة وانتي على سجادة الصلاة نامي على الارض وخلي الاقدام متباعدة وخلي جسمك يشعر بالراحة وابتدي في اخد نفس عميق شهيق لعدد 1 2 3 4 5 واكنك بتنفخي بالونة خلي البطن تتملي بالهوا معلش انا مضطرة اشرح باسلوب مبسط جدا عشان الطريقة تتفهم اكتر لان الطريقة مهمة جدا
بعد الشهيق العميق الي اخدتيها في 5 ثواني والبطن مرتفعة بالهواء احتفظي بالنفس داخل البطن لمدة 1 2 3 وبعدها ابتدي فرغي الهواء الي اخدتيه بهدوء اكنك بتطفي شمعة وعدي في الزفير 1 2 3 4 5
كدة انتي عملتي تنفس عميق كرري بقى الطريقة دي 3 مرات كل مرة بعد الصلاة وده لحد ما تتعودي عليه وبعد كدة بقى اعمليها بعدد مرات اكتر
وانتي نفسك مش هاتقدري تتخلي عن الطريقة دي نهائي لانك هاتلاحظي نتائجها الراااائعة على حياتك وكمان هاتلاحظي اد ايه نفسيتك هاتتحسن وحفظك ومذاكرتك لو كنتي بتدرسي او بتحفظي قرآن
والمعلومة السعيدة بقى انك لو بتعاني من دهون متراكمة في البطن او الارداف بشكل مش حلو هاتتخلصي منها لان الاكسجين بيفتت الدهون ويحولها لماء وثاني اكسيد الكربون بيتخلص منها الجسم بسهولة
والمعلومة الجميلة كمان ان التنفس العميق بيساعد في علاج مرض منتشر اسمه تكيس المبايض بيسبب مشاكل كتير للحمل وزيادة الشعر في الجسم والاوكسجين الي بيدخل الجسم من التنفس العميق بيقاوم تكون التكيسات على المبيض وكمان بيساعد في حل مشكلة انسداد الانابيب الي بتسبب مشاكل كتير في الحمل
تخيلو كل الفوائد دي واكتر بخطواااات سهلة جدا
يالا نخلي من الثوابت موضوع التنفس العميق
اي واحدة الطريقة مش واضحة عليها تقولي وانا اعيدها تاني باذن الله.gif "Eh S(9)")
حياتي كلها لله
عشان الجنة كله يهوووووووووووووون
م
ن