كلها كام يوم وهاخش الجنه!! ^_^
"قصة مقتبسه من الشيخ محمد حسين يعقوب"
واحد كان فقير .. حالته الاجتماعيه تعبانه ! بيشتغل وظيفه بسيطه مرتبها ابسط!.. عايش في بيت متهالك!.. المجاري مغرقه البيت من تحت كله لدرجة انه عشان يطلع شقته كل مرة لازم يخطي مية المجاري اللي مغرقه مدخل البيت ..
بياكلوا اللقمة بالعافيه قليلا ما بياكلوا اللحمه !..يعني كل اسبوع كدا مرة!.. كان عايش في هم! كان تعبان اوي!
المهم ..كان مقدم على سفر وربنا كرمه بشغلانه حلوه وقبل فيها ..الحمد لله.. المفروض انه هايقعد كمان شهر يجمع الاوراق ويجهز نفسه وكذا..
سبحان الله! .. بعد ما جاله خبر السفر اتقلبت حالته النفسيه تماما!!
بقى حاسس انه هايطير من الفرح ! والحاجات اللي كان في الاول بيشوفها يحس بنكد وغم وهم .. دلوقتي خلاص مبقتش فارقه معاه!!
بقى يجي راجع البيت يلاقي المجاري مغرقه الدنيا .. يصبر نفسه ويقول ما خلاااااص كلها شهر وهاسافر السعوديه واعيش في شقه نضيفه وتكييف وديكور!
بقى يجي ياكل يلاقي الاكل مفيهوش لحمه اورديحي يقول لنفسه معلش كلها شهر واسافر السعوديه واعمل فلوس واكل اللي انا عايزه!
بقى يجي ماشي في الشارع يلاقي اتنين متجوزين ماشيين يصبر نفسه ويقول كلها شهر واسافر السعوديه واعمل فلوس وارجع اتجوز البنت اللي اتمناها واجيب ولاد زي القمر!
وفي كل حاجه كان بيشوفها هم وغم بقي بيصبر عليها وحاسس برضا لانه حاسس ان الموضوع خلاص بقى مؤقت شوية وقت وبعدين هايحقق كل احلامه!
تفتكر انك لو طبقنا المثال دا عليك يالي عايش دلوقتي في هموم واحزان
وقولنالك اصبر شوية وقت شهور ..سنين … واخرة صبرك دي احلى حلم في حياتك ….انك تروح الجنه .. اللي فيها ما لا عين رأت ولا اذن سمعت ولا خطر على قلب بشر من الاحلام!!
هاتقدر تعيش الاحساس دا! تعرف تعيشه بجد ومن قلبك!!
تعرف لو قابلت ديون تقول .. "معلش… كلها كام يوم وهاخش الجنه"
لو صادفك مشاكل في الشغل تقول .. "معلش كلها كام يوم وهاخش الجنه "
لو قابلتك مشكله مع زوجتك تقول .. "معلش كلها كام يوم وهاخش الجنه "
او حلم مش عارف حتى تحققه لحد دلوقتي والموضوع طول تصبر نفسك وتقول "كلها كام يوم وهاخش الجنه!!"
كل المشاكل كدا كدا هاتخلص!! وعمرك ما هو الا ايام ..وكلها كام يوم او كام سنه وهاتخش الجنه ^_^
صدقني لو عيشت في الدنيا بالاحساس دا اكيد هاتحس بالرضا والراحه والاطمئنان
يااااارب ارزقنا الرضا والراحة والاطمئنان وفك كروبنا ويسر امورنا ارزقنا من حيث لا نحتسب وادخلنا الجنة بغير حساااااااااااااااب ااااااااااااااامين وصل اللهم وسلم وبارك على سيدنا محمد وعلى اله وصحبه اجمعين
"منقول"
بارك الله فيك هدير على ما قدمتي
تقدييري لك
والعبرة وصلت بوووركتي والله يرزقنا الجنة واياكم
|
المشاركة الأصلية كتبت بواسطة الواثقة بربها
 بارك الله فيك حبيبتي وفي موضوعك الراائع .. اللهم اكتب الجنة من نصيبنا وارزقنا حسن القول والعمل ..
|
الله يعزك ويكرمك ويكتبها من نصيبنا يارب ويجعلنا جيران للنبى المصطفى يارب
شكرآ لدخولك حبيبتى