بسم الله الرحمن الرحيم
كيف الحال
اخواتي بااتكلم ع السريع عن معلوماتي البسيطه في القطران والشووب لعيووون احدى بنات ال مدونة ولعيون كل وحده تبحث عن حل لمشاكل شعرها
اولا القطـــــــــــران..هو ماده صبغيه لزجه مثل دهان البويا لونه اسود ثقيل قاتم وله رائحه قويه نفاذه وفيه لمعان قوي
يستخدم لطلاء المواد الخشبيه للمحافظه عليها وصبغها وتلميعها
مثل الكراسي والقعايد اللي تستخدم زمان والى الان تستخدم بس مو كثير
وتستخدم في اواني الطبخ والشرب القديمه تعطيها لون ورائحه ومنظر
وهذه صورة مغش جيزاني مطلي بالقطران
…………………………
اما الشووووووب وهو الاهم وهو سبب موضوعي عشان نقدر نفرق بين الاثنين
الشووب وهو ماء يتم استخراجه من القطران
كيف مااعرف؟؟
بس اللي اسمعه انه اصلا من القطران حتى ريحته ولونه مثله بس الفرق ان هذا مائي والقطران كالصبغ ودهان البويا
فوائده واستعمالاته…
انا عن نفسي وعن اللي اشوفهم حولي احسه هو اكثر شي يصلح للشعر
فاللي تبحث عن شعر اسود ولامع وقوي يستخدمه
انا كنت زمان وانا صغيره استخدمه مع الحناء احط شوي منه مع حناء واحطه ع شعري
واحيان اخلطه مع زيت رغم انه مايمتزجوا تمام بس تقدري تحطيه مثلا مع اي زيت تستخدميه واغسلي شعرك بعدها واتباهي بشعرك حتى ممكن ماتستشوريه واذا استشورتيه فبيطلع الشعر خيااااااال
انا اذا استمريت عليه الاحظ القشره تخف والفروه تنظف وشعري يزداد طول لاني استخدمه احيان مع زيت دابر
بس عيبهريحته قويه يعني القريب والبعيد يشمه …البعض يتضايقوا من ريحته والبعض تعجبهم ريحته انا عن نفسي عادي عندي الريحه بس اخجل منه لورحت مكان وريحته فايحه
هو اول يومين الريحه قويه وبعدها تهدأ وممكن تخففي الريحه انك تخلي الشامبو شوي في الشعر وبعدين تغسليه
امنيتي ارجع له بس انا صابغه شعري وهو يسوود الشعر مع الاستمرار وماابغى اضر الصبغه
ان شاءالله اذا نزلت الصبغه وفكرت ارجع الطول لشعري بارجع له
هذه معلوماتي البسيطه عنه وربي شاهد علي اني قلت اللي اعرفه وان شهادتي فيه مجروحه لان شي فوق الوصف
وانا احب اقول للاخت اللي طلبتني وافهمها انه ممكن تلاقيه في الاسواق الشعبيه بالذات الجنوبيه اوممكن تطلب احد البائعين الشعبيين ويطلبوه من جيزان اوفيفا وبيلاقوه …اما اني اوفره لاي وحده والله مااقدر رغم ان سعره رخيص ب10 اوبعشرين الجك حق زيت عافيه اوزيت عربي يعبونه باررخص الاسعار
بس انتبهوا لازم يجي مويا اسوووووووووووووووود وفيه لمعه قويه
اما اللي يجي خفيف وبني ولونه زي الكولا فهذا مخففففف وبقووووه
وباحاول ابحث عن صور تفيد الموضوع واي سؤال انا حاضره
وفي انتظار جديدك الأروع والمميز