"العيش بالخضار و البشاميل

بسم الله الرحمن الرحيم .

هذا طبق سهل و لذيذ .. من كتاب منال العالم.. مع بعض التغييرات

مقادير العيش:

-3 كوب أرز بسمتي
-3 هال
-3 ورق غار

مقادير الحشو:

-4 ملاعق زيت
-1حبة بصل متوسطه مفرومه
-2 ثوم مهروس
– دجاج مفور و مفتت ( هو لحم أصلا بس انا حطيت دياي)
-خضروات مثلجه مشكله
-فلفل أحمر و أخضر مكعبات ( اختياري ) انا ماحطيت
-1 ملعقة ملح
-4/1 ملعقه ص فلفل ابيض
-1 ملعقه ص بهارات مشكله
-4/1 ملعقه ص كركم
-4/1 ملعقه ص هال مطحون
-2/1 كوب ماي
-كوب موزاريلا
-كوب شيدر
……………….

مقدار من صلصة البشاميل

…………………

الطريقه:

-اطبخي العيش في 10 أكواب ماي مع الغار و الهال..اشخليه و خليه.
-قلي البصل و الثوم لين يحمر..حطي الدياي..قليه عدل.. و ضيفي الخضروات..الملح..الفلفل..الب هارات..وقليه ع نار قويه .. لييين يستوي..ضيفي الماي و غطي الجدر 10-5 دقايق..ع نار خفيفه ..
– جهزي صلصة البشاميل ..
– شغلي الفرن على 160 ..هاتي بايركس مستطيله .. ادهنيها بالزبده..حطي نص كمية العيش..و الحشو عليه..و حطي2/1 جبن الموزاريلا .. و2/1 الشيدر ..وزعي باقي العيش عليه ..صبي البشاميل..وانثري عليه باقي الجبن.
-دخلي الطبق الفرن .. 25-20 دقيقه لين يحمر الوجه ..

و هذي بعض الصور .. ماقدرت أصور كل الخطوات..

وفديتها .. أكيد هي أول وحده اهي واختها ..

اترك تعليقاً

"العيش بالخضار و البشاميل

اترك تعليقاً إلغاء الرد