تناولي كل شئ بنفسك وانحفي بنامج متكامل الجزء الاول

هالموضوع له ست شهور ….يطلق …..توه بينولد هههههه :mota7amesa:

وهو خلاصة تجاربي من عشر سنين ….

كل خبرتي وكل قدراتي صغتها هنا باسلوب بسييييط

ببساطه الموضوع عن الاكل الدايت …

كيف نعمل الاكل اللي نحبه ….بس يكون خفيف ولايت وما يزيد الوزن

راح اتطرق بالبدايه لبعض القواعد اللي تساعدنا في الدايت لحد ما نوصل للي نبيه

اولا ~ مافيه حل سحري ينقص الوزن …مهما قالو ومهما اقنعونا ….مستحيييييل …واقولها بالفم المليان

مستحيل ننحف وحنا ناكل ( قاعده حطيها حلق بودانك )

ثانيا ~ اللي تسوي دايت وما تنحف حاجه من اثنين ….يا ان وزنها مثالي وبالتالي جسمها خلاص ثابت ويبي لها حل جذري مثل تقليل الاكل مررررررره عشان تنحف عن المثالي

او انها كسوله وما تتحرك ….وهنا نحتاج ابسط شي وهو سير المشي كحل سريع وبسيط

او انه تستخدم شي يثبت الوزن مثل حبوب منع الحمل او حبوب التخصيب او الهرمونات ربي يعافيكم منها

ثالثا ~ اللي تبدأ بدايت وما تنحف ….لا تقول حاولت وما نفع ….لازم تصبر اقل شي اسبوعين حتى تعطي جسمها فرصه انه يبدا يحرق الشحوم المتراكمه

صعب نبدأ 4 ايام وعقب نقول ما نحفنا …..ما يمدي الجسم يتفاعل

رابعا ~ وهذي اهم نقطه …الدعاااء …الدعاااء ….ثم الدعاااء

خامسا~ احرصي على مراقبة اكلك ….وبتعرفين وش اللي يزيد وزنك ….وغالبا يكون الشوكولاته او المشروبات الغازيه او الخبز

سادسا ~ نصيحه لا تروحين السوبر ماركت جوعااانه …وربي اني مجربتها …..روحي وانتي طافحه اكل عشان ما يغريك شي …

واشتري كل اللي يناسب الحميه وابتعدي عن اي شي يخربها

لا تقولين باشتري شوكولاته وما باكلها الحين …..كذب ….انتي تكذبين على نفسك

اذا شريتيها بتاكلينها

قولي ….الشوكولاته ما بتخلص من السوق متى ما نحفت واشتهيتها باشتري لوح واكله

وفيه نصايح كثير ….لكنها مكرره واعتقد اننا خلاص تثقفنا وعرفناها

انتظروني

اسلحتنا اللي بنتسلح فيها طول فترة الدايت

هذي بعض الاشياء اللي تساعدك بالطبخ والافضل تعتمدينا باسلوب حياتك دايما ….مريحه وعمليه وبكبسة زر

والاهم انها دايت وخفيفه

قدر البخار …..قسم انه اطلق من كل القدور ….والاكل فيه يجنن ومافيه ولا نقظة زيت

الشوايه الكهربائيه …..تشوي وتقرمش …وبرضه بدون زيت

علب صغيره ومقسمه….لزوم الاكل برا البيت

وبالنسبه للاكل …

اغلب المنتجات يوجد منها منزوع الدسم ….لذلك دائما اعتمدي عليها

مثل الزبادي …والحليب واللبن والاجبان

وهذا افضل نوع حليب ( حليب رشاقه )

والخبز راح نعتمد على توست النخاله …والرغيف الصحي …بس برضه مانكثر منهم

يعني مره وحده باليوم ….ويفضل بالنهار

الاكثار من العصيرات …والفواكه والخضار ….. ومنتجات كي دي دي رائعه

واللحوم ….اذا انتي ماعندك وقت …..اعتمدي على هالمنتجات …ومافضل اللحم ….مو دايم طعمه زين

الدجاج الذ

وسكر الفواكه …او سكر الدايت …على الاقل بالبدايه

~~~~~~~~~~~~~

الاهم من كذا …نغير عاداتنا في الاكل

واهمها الاكل بالليل

الفطور بوقت مبكر لتنشيط الحرق بالجسم

اعتماد بعض الاشياء اللي تسرع وتنشط عملية الحرق …مثل

الزنجبيل …

الشاي الاخضر

الاناناس

الكيوي

البرتقال

التفاح

بسم الله ….نبدأ

…..( وافل )….

….بس بطريقه خفيفه

ولا تكثرين …عشان ما تفتحين لنفسك المجال للاكل ههههههه

المقادير

نص كاس طحين

ملعقة سكر فواكه

براس الملعقه بكنج باودر

بيضه صغيييييره …واذا كبيره اخفقيها وخوذي نصها ( لان مقدارنا قليل )

ملعقة زيت نور الخفيف

ونخلطهم بواسطة حليب منزوع الدسم لحد ما يصير قوامه زي قوام البانكيك

ونحضر الة الوافل ….صغيره ورخيصه ب60 ريال بس من السيف

نصب مقدار من العجين ونسكر الاله …

امسحيهم بشوية عسل …….وبدون زبده …مانبي تخبيص …مفهوم

وبالعافيه على قلبكم ….مع كوب كابتشينو

صوره اقرب

………………………………………….. ……………..

………………………………………….. ……………..

………………………………………….. …….

………………………………………….

لكن للاسف مالقيت نوع شوربه ممكن يكون دايت

كل نوع فيه شي معين يزيد الوزن …~

وماتقدرين تغيرين اي شي ….يصير الطعم ….الله يكرم النعمه

لكن قدرت احرف شوي باللي يسمونها الشوربه الحارقه …..

والحمد لله طلع الطعم خياااااااااااااااااالي

والاحسن انها بلا دسم ولا نشويات

….( الشوربه الحارقه )….

المقادير

خضار اللي متوفره عندك …بس بدون بطاطس …انا حطيت جزره وكوسه نوعين وقطعه صغيره قرع

العنصر المهم …كرنب وكرفس وبصله وفص ثوم

واذا عندك مرقه دجاج مسويتها بالبيت …كويس …ماعندك اكتفي بالماء والملح

تحطينها على النار مع الماء والملح …لين تنضج تماما

طبعا الفلفل الاسود والملح واي بهارات …راجع لذوقك واختيارك

خليها تفتر شوي ….واطحنيها

اضيفي على الوجه كزبره ….وخلطة (ملعقة زبادي منزوع الدسم مع نص ملعقة طحينه)

نصيحه

لا تاخذينها مع وجبه ….وانما استبدليها باحد الوجبات …ويفضل تكون وجبة العشاء

………………………………………….. ……………………………..

………………………………………….. …………………..
بسكويت وقت العصر