حفل تخرج ابني اعمال يدويه غايه فى الروعه

طآب مسائكم وصباحكم

ومبروك عليكم العشر الأواخر ..الله يعيينا وأياكم على الصيام والقيام
ويجعلنا من عتقائه بهالشهر الكريم ..اللهم آمين

هالموضوع جداً متأخر من المفترض ينزل قبل 3 شهور
لكن مع ظروف الإجازة قُدّر له أن ينزل بهالوقت ..
موضعين بموضوع واحد الفكرة تقريباً وحدة لذلك فضلّت أجمع الفكرتين بموضوع واحد

فكرة الموضوع :
عبارة عن هداياء بسيطة ورمزية سويته لولدي بمناسبتين مختلفتين
أتمنى حصول الفائدة من موضوعي او حتى لعلة يوحي لكم بإفكار ثانية

نبدأ بإسم الله :

بالنسبة للهدية الأولى ..
وصلتنا رسائل من إدارة الروضة على نهاية الفصل الدراسي الثاني
مضمونها ..أنهم راح يخصصون يوم معين يتهادى فيه أطفال كل فصل
[ كل طفل يهدي أصدقائة بالصف ذكرى عينية لنهاية مشوارهم التمهيدي ]

الرسالة وصلت يوم الأربعاء ويوم السبت كان هو اليوم المحدد لتبادل الهداياء

من يوم وصلت الرسالة وأنا بتفكير متواصل .. حبيت اميز طفـلي بشئ خاص فية .!
وبنفس الوقت حرصت على أن تكون الهدية فيها شئ يجذب الأطفال لها
وأهم شئ أن يكون شكلة ومضمونه يحاكي مرحلتهم العمرية
وبديت بعملية البحث بالمواقع .. وماطلعت بنتيجة تذكر
اللهم أستوحيت فكرة من وحدة أجنبية لفت أنتباهي الغرابة بشغلة

ومع البحث والتفكير أكتملت الفكرة براسي ..
وبديت بالشغل أول شئ نزلت السوق ومن محل لمحل
لحد ماجمعت كل الأغراض اللي راح أحتاجها..
>>أذكر ذاك اليوم ومع اللف والدوران زوجي يقول لي :
[ لو أخذه لك من هداياء باتشي أحسن لك من هالتعب والدوران ]

صحيح باتشي أشكاله الخاصة بالأطفال حلوة وتجذب الأنظار
لكن شئ متعودين علية ومعروف عند الناس
والأمر الثاني والأهم كلها شوكولاته خام
وانا اشوف عيالي ماياكلونها ولاتعجبهم وهالشئ حطيته بعين الإعتبار حتى بتجهيزي للهداياء
اللي أشتغلت فيها ..!

أول شئ نشوف النتيجة النهاية
وبعدها نتعرف مع بعض على طريقة العمل وبالتفصيل المٌمل:

وهذا العمل جاهز ومعبئ بالسلال عشان ياخذة روح ماما معاه للروضة

هنا صورة فوضوية للأغراض
قبل البداية نثرتة عالأرض وبدأت بالترتيب
على حسب الاولوية بالشغل

هنا برطمانات صغيرررة مرة بحجم الكف أو أصغر أشتريتة من محل كماليات.
وعبيتة بحلاوة سكيتلز وكانت هذي أول هدية داخل الكيس

وجواء الكيس برضو أضفت هاللعبة " أعجبتني فكرتة "
عبارة عن بيضة تُغمر بالماء بالكامل ..
وبعد 3 ايام راح تفقّس ويظهر اللي متخبي داخلها لكن على مراحل
بالبداية تتشقق القشرة الخارجية
وبعدها بفترة تتفتح أكثر وتبدأ تبّين أجزاء من جسم الجنين ههههههه
وبعد ماتكمل 48 ساعة على ماأعتقد
يطلع الكائن اللي داخل البيضة ويشوف النور

[ جميلة , توسع مداركهم وخيالهم خلال هالثلاث أيام وأهم شي تعلمهم على الصبر ]

زوم أكثر

وثالث وآخر محتوى كانت كندر سبرايز

ونجي الان للشكل الخارجي للهدية ..
الخطوة الاول :
أستخدمت هالنوع الورقي من الأكياس ( وراح اعبية طبعاً بالأغراض )
بالإضافة لخيوط القيطان ( وراح تكون هي اللممسك للكيس )
وستيكرات اخذته من مكتبة جرير ( اضفتة عشان تغطي نهاية الخيط )

عبيت الكيس بالأغراض

وهنا بعد ماسكرتة ( سكرتة من جهة وحدة فقط )
ثنيت الكيس وثبت علية الخيط واضفت صمغ طبعاً
وحطيت الستيكر عشان تغطي شكل نهاية الخيط

هنا صورة جماعية بعد ماخلصت من العدد المطلوب

المرحلة الثانية
كانت إضافة الإهداء على وجه واحد من الأكياس
وهنا أشكر الغالية ـ قلب جميرا ـ
استفدت من الروابط اللي أضافتة بأحد مواضيعة الخاصة بتجهيز الحفلات

جهزت التصميم والعبارة وطبعته بمقاس يناسب حجم الكيس

قصيته وثبته على الاكياس

بعد ماخلصت من إضافة الإهداء على وجه واحد من الأكياس
اللحين راح نشتغل على الوجه الثاني من الكيس

نقدر نضيف اي شئ يخطر ببالنا .. أنا هنا أضفت قصاصات لوجه دبدوب مفهي هههههه
أستخدمت لونين من التجليد المخمل
البني للأذان والبيج لمنطقة لانف وماحولها

بدينا بالأذان واستخمت الكاس لتحديد الشكل الدائري
وبعد كذا قصيتة بشكل مشطوف

* الصورة الثانية توضح أكثر

والصقتة على الكيس ( اختى تقول والله ماعرفنا هذولي أذان ولا حواجب )

قلت له 2 في 1

ونسوي بمنطقة الانف مثل ماسوينا بالاذان
بس من غير مانقص شي من الدائرة نخليها مثل ماهي

ونلصقها

اللحين راح نضيف باقي الحواس لدبدوبنا
* الكرات الأسفنجية الحمراء أستخدمتة لنقطة الانف
* والعيون طبعاً الصقتة بمكانة
* بالاضافة إلى أني أسخدمت القلم عشان أحدد المنطقة اللي تنزل من الانف
عاد مادري وش اسمها .!

واخر شئ أضفت الفيونكة لدبدوبنا عشان يكون كيوت ومهندم نمام

الصور هنا توضح أكثر

&

دبابيبنا الكيوت صارت جاهزة

حطيتهم بسله وأخذهم الحلو وكله حماس لروضتة

.
.
.

بديت بالشغل الساعة 11 مساءً وخلصت على الساعة 6 الصباح

نسيت كل التعب يوم شفت فرحة الحلو أول ماصحى من النوم وشافهم

بالنسبة لشغلي جداً بسيط وبدائي
فيعذروني المحترفين بالأشغال اليدوية لان هذي تعتبر أول تجربة فعلية لي بهالمجال

وذكرت قبل أني مالي أي خبرة بهالفن
لكن لأجل عين تكرم مدينه

الشغلة ممتعة جداً ومافيها تعب إذا بتشتغلون فيها من بدري وعلى راحتكم
أنا اللي أتعبن ضيق الوقت لاأكثر.