هالات تجاعيد انتفاخات !!! كله هيروح باي لما نعرف الطرق الصحيحه

كريم المنطقه المحيطه بالعينين

اولا لازم نعرف هنختاره ازاي و نحدد اي واحد يناسبنا ازاي يلا بينا

الخطوه الاولى :

حددي مشكلتك و الهدف اللي عايزه تصححيه سواء الخطوط الرفيعه و التجاعيد أو القضاء على الهالات السوداء أو ازاله الانتفاخات و جيوب العين و هتروحي عالمحل و تاخدي فكره عن الكريمات المتوفره و اسعارها و ايه الانواع الموجوده

الخطوه الثانيه :

اقراي المحتويات المكتوبه على العلبه في خانة المواد عشان تتاكدي
كريم الشيخوخه او التجاعيد هيكون بيحتوي على : caffeine, retinol, alpha-hydroxy or vitamin C
كريم الهالات السوداء هيكون بيحتوي على : vitamin K , hydroquinone, Haloxyl

و خلي بالك من حاجه لو انتي امراه عامله و على طول بتطلعي بره البيت في فترة الصباح و قليل ما بتستعملي النظاره الشمسيه ف دوري على كلمة spf في العلبه
و خلي بالك برضه لو لقيتي من المحتويات المكتوبه AHA او كمان ال retinol بلاش تطلعي بيه في الشمس و غير انك مش لابسه نظاره شمسيه عشان ممكن يسبب زياده للحساسيه من الشمس

الخطوه الثالثه :

حددي لو عايزه كريم ليلي او نهاري او طوال اليوم هما ثلاث انواع و هما عاملين كده عشان يفرقوا كل مشكله و ليها وقتها من اليوم مثلا التفتيح يفضل باللي و التجاعيد يفضل صباحا

الخطوه الرابعه :

ضيقي نطاق البحث و حددي كام حاجه بس محدده في بالك عشان ما تحتاريش و نصيحه حاولي تختاري حاجه سعرها مناسب و ما تكونش غاليه عشان لو مجابش معاكي نتيجه بعد اسابيع ما تبقيش ضيعتي فلوسك عالفاضي لان مش كل حاجه غاليه تبقى فعاله و هتجيب نتيجه مرضيه

الخطوه الخامسه و الأخيره :

حاولي كده بعد ما تقرري هتجيبي ايه تسالي كام حد او تشوفي اراء الناس لكن خليكي فاكره ان مش كل حاجه جابت نتيجه مع حد هتجيب معاكي او العكس حتى .

طبعا انتم واخدين بالكم ان كريمات العين عباره عن انبوبه ضغيره قوي و بتبقى اغلى من مرطبات البشره العاديه
و من الخطأ بنروح جايبيت كميه كبيره و بنحط و بندهن بس ده خطأ امال هما عاملنا صغيره ليه ؟؟؟؟

[IMG]http://files2.*******.com/2013/7/13103049134163.jpg[/IMG]

بصوا هنعمل ايه

1- هتاخدوا كميه صغيره قد دي

[IMG]http://files2.*******.com/2013/7/13103047188851.jpg[/IMG]

2- هتحطوها على هيئة نقط على المناطق دي

[IMG]http://files2.*******.com/2013/7/13103047621948.jpg[/IMG]

3- هنبدأ بطريقة التربيت مهم قوي التربيت مش الدعك او الدهن افتكروا ان من اسباب التجاعيد هو الفرك و الدعك في العين و هنمشي مع الاتجاهات دي تابعوا اتجاهات الاسهم

[IMG]http://files2.*******.com/2013/7/13103048518682.jpg[/IMG]

داومت عليه الصبح و بليل بس ما فادنيش بصراحه لكن لما تحطيه بيفتح اللون لانه ليه لون

مجابش نتيجه و بامانه زهقت منه و مكملتش

جميل جدا جدا بس غالي حبتين