الحمام المتبل والمحشى 2013 , الحمام المتبل والمحشى بالأرز وعين الجمل 2024
الحمام المتبل والمحشى 2013 , الحمام المتبل والمحشى بالأرز وعين الجمل 2024
تعالى أقولك على طريقة تجنن للحمام,,, طعمها فى منتهى الروعة والجمال … بجد لازم تجربيها لأنها مميزة والكل هيحبوها… يمكنك تقديمها فى العزومات
المقادير:
كوب أرز
4 حمَامات
4 بصلات مفرومين
3 ملعقة صغيرة زبدة
½ ملعقة صغيرة قرفة
½ ملعقة صغيرة كمون
½ ملعقة صغيرة بهارات
½ كوب عين جمل مبشور
3 كوب مياه
علبة زبادي
2 ملعقة كبيرة زيت
*مياه السلق:
كمية مناسبة من المياه للسلق
2 عود كرفس مفرومين
بصلة مقطّعة
ملح وفلفل
2 ثمرة جزر
2 ورقة لاورا
زعتر
طريقة التحضير:
1- اغسلي الحمام كويس أوي بالملح والخل.
2- *لتحضير خلطة الأرز للحشو؛
شوّحي البصل في الزبدة لغاية ما يبقى لونها دهبي، وبعد كده تبّليها بالكمون والبهارات والقرفة، وبعدين ضيفي مقدار المية، وسيبيهم على النار لغاية ما المية تغلي، وبعد كده ضيفي الرز والملح، وسيبيه يستوي على نار هادية، وأول ما يدخل في السوى ضيفي عليه عين الجمل المجروش، وسيبيهم على النار لغاية ما الرز يستوي.
3- حطّي خليط الرز ده في الثلاجة؛ علشان لما تحشي به الحمام مايتهريش في السلق.
4- بعد كده احشي الحمام بكمية مناسبة من الرز، ولفّيه بورق الفويل.
5- حطي الحمام في مية السلق بعد ما تضيفي عليه كل المكونات اللي قلنا عليها، وسيبيه لمدة 30 دقيقة على نار هادية.
6- بعد ما الحمام يتسلق طلّعيه وحطّيه في صينية وادهنيه من على الوش بالزبادي والزيت، ودخّليه الفرن لحد ما الوش يتحمرّ.
7- حطّي الحمام في طبق التقديم وادهنيه بكمية صغيرة من الزبدة علشان يبقى الوش بيلمع..
وبالصحة والهنا…
*ملحوظة:
لو عايزة تعملي حمام محشي فريك، ممكن تستبدلي نفس كمية الرز بالفريك، بس لازم تنقعيه في المية لمدة 10 دقائق، وبعد كده اخلطيه مع الملح والفلفل والقرفة والبصلة مفرومة وملعقة زيت زيتون، وبعد كده قلّبي الخليط ده على النار، وضيفي عليه نصف كوب شوربة، وسيبيه يستوي نصف سوى علشان لمّا تحشي به الحمام يكمل سواه وهو بيتسلق.
الحمام المتبل والمحشى 2013 , الحمام المتبل والمحشى بالأرز وعين الجمل 2024
الحمام المتبل والمحشى 2013 , الحمام المتبل والمحشى بالأرز وعين الجمل 2024