الفطيره الايطاليه غاليه في الجمال 2024.

كيفكم عضواتنا الحلوات

بناء على طلب اخواتي في موضوع الدقيق وفي التقييم والرسائل اني انزل لكم طريقة الفطيرة ,,في الموضوع الاول ما كنت مصورة الخطوات ..

هالفطيرة شفتها بمطعم ايطالي في سوق غرناطه يقدم انواع للبيتزا وبعض الاكلات الايطاليه فحبيتها وحبيت شكلها فقررت احاول اقلدها في الشكل والحشوة تقريبا مثلها لاني ما ذقت الاصليه ..

سميتها الفطيرة الايطاليه ولا انا نسيت اسأل عن اسم الحقيقيه

عيالي حبوها مره ويقولو لذيذه وطعمها رهيب زوجي يقول انتِ جايبه الخبز من المخبز ومسويه الحشوة بالبيت

فاتمنى بعد انتظاركم انها تنال اعجابكم ورضاكم واكون وفقت بتقديم شيء جديد لكم

الفطيره الايطاليه

نبدأ بالعجينه

اي عجينة تضبطينها وترتاحي لها

مقادير عجينتي اللي استخدمتها اعطتني 3 فطائر كبيرة

3ونص كاس دقيق (استخدمت دقيق فوم )

1 ملعقة كبيرة خميرة

2 ملعقة سكر

1ملعقة كبيرة حليب بودرة

ملعقة صغيره ملح

3 ملاعق كبيره زيت

ماء دافي للعجن تقريبا كأس وثلث

نعجنها زين ونخليها تخمر على جنب على بال ما نحضر الحشوة

هنا العجينة بعد ما خلصت عجنها

الحشوة ~

مثل مو واضح بالصورة

دجاج مخلي من العظم والجلد ومقطع صغير

بصلة مقطعه

فصين ثوم مهروسين

فلفل احمر مقطع مكعبات

فلفل اخضر مقطع مكعبات

فطر مقطع صغير ( في المرة الاولى ما استخدمته )

نبدأ نحمس البصل بشوي زيت وبعد ما يذبل نحط الثوم وما نطول حمس نضيف الدجاج على طول

بعد ما نحط الدجاج نضيف عليه فلفل اسود مطحون طازج

نقلب لين يتغير لون الدجاج ويبدأ ينشف من المويه بعدها نضيف عليه فلفل احمر حار مطحون ,, وبعدها نضيف باقي الحشوة والملح ونقلب شوي

هذا شكل الحشوة بعد ما استوت ( ما نخلي الخضار تذبل يا دوب تشويح مع الدجاج )

نقسم العجينة 3 اقسام وناخذ او قسم ونرش عليه دقيق

نفردها على شكل مستطيل ( مو لازم يكون مستطيل منتظم ) بعدها نحط الحشوة على الطرف

بعدها نرش الحشوة بجبن موزريلا ونقطع جبن edamبشكل شرائح فوقها ,, بعد كذا ناخذ عجلة تقطيع البيتزا ونعمل فتحات بشكل مائل لكن ما نقطع العجينه كلها ,,نسوي فتحات بس

هذا شكل الفطيرة بعد ما سوينا الفتحات

نشيلها على شبك عشان ما تترطب وتلين من تحت

اشوفكم في موضوعي ثاني على خير }

لأمانه منقول