اولا ده اللوك
ودى الادوات
اولا باليتة البرايمر
واللون اللى استخدمته اللى عليه العلامة الحمرا
الوان الشادو
واللون الاسود اللى باستعمله دايما من مكياجى
المرة دى ماحطتش حاجة خالص على عينى ولا كونسيلر ده فى اخر اللوك عشان اللون الاسود بيلحوس حواليه
اول حاجة البرايمر الاسود حتشوفوه فاتح ازاى
نحط بقى عليه اللون الاسود الشادو
وندمجه كويس
ونحط من تحت كمان
ومعلش الصورة اللى جاية كأنى واخدة بوكس فى عينى هههههههه
حنحط بقى اللونين الروز الغامق والفاتح مع بعض
من فوق عند تجويف العين وكمان تحت الخط اللى عملناه على الجفن السفلى
ونحط روز فاتح قوى كهيلايت عند عظمة الحاجب اللى هو اللون اللى على الشمال
نحط بقى الكحل والايلاينر بالشكل ده برة العين وجوة العين
ونرسم الحاجب
واخر حاجة نحط الماسكارا بعد ما نكيرل الرموش بالكيرلر
وده اللوك النهائى من كذا زاوية بعد ما حطينا الكونسيلر طبعا عشان ننضف تحت العين
واستعملت كونسيلر جارنييه الدرجة الفاتحة
وعليه البرايتنر اللى جبته من elf العلبة ضغنونة خالص بس راائع كمية صغيرة تغطى حلو
وده لون الروج
واستعملت على الشفايف
ليب بينسيل من اوريفليم الجديد pink nude
وروج كلفين كلاين لونه نيود بينك برضه
وعليه الجلوس اللى انا باعتبره اكتشاف جلوس اماندا بجد تححححححفة احلة جلوس جبته
لونه بينك
