كيكة الباونتي وزينتها بشكل سور ببسكوت الرول : أي كيكة شوكالا معتمدة عندك بتخبزيها وبتتركيها تبرد وهي الكيكة الي انا عملتها (تلات بيضات حجم وسط خفقتهم مع ملعقة صغيرة فانيلا سائلة وبعدين ضفت عليهم كاس وربع سكر وخفقت لمدة عشر دقايق لصار خليط كريمي ابيض ضفت عليها نص كاس زيت وخفقت بعدين علبة لبن وخفقت خفق بسيط وبعدين نخلت كاستين طحين مع ملعقة كبيرة بيكنج بودر وربع ملعقة بيكربونات واربع ملاعق كاكاو وضفتهم بالتدريج ع خليط البيض بالتناوب مع كاس مية او حليب وحركتهم باتجاه واحد لحد ما يختفي الطحين وخبزته ع حرارة متوسطة لحد ما استوت طلعتها وتركتها تبرد
الطبقة التانية
(علبة حليب مكثف واصبع زبدة ونص كاس حليب ع النار ليغلو ضيفي عليهم تلات كاسات جوز هند ورشة فانيلا وصبيها ع الكيك وهي باردة ) بتحطيها بالتلاجة لتبرد الطبقة التانية
بتجهز الطبقة التالتة
ست ملاعق نوتيلا( او بتسيحي شيكولاتة اي نوع) وعلبة قشطة وعلقتين كاكاو وملعقة كبيرة زبدة ع النار ليدوبو وبتحطيهم فوق الطبقة التانية وبالتلاجة لتجمد طبقة الشوكالا والتزيين متل مابتحبي انا زينتها بشيكولاتة بيضة
وصحة وهنا
* ممكن تعملي الحليب المكثف بالبيت كاس حليب باودر مع كاس مي وكاس يكر عالنار هااادية وحركي لحد ما يسير خليط كثيف
وانا زينتها هنا بطريقة انه دهنت كريمة عالاطراف وثبتت بسكوت رولز وبشرت شيكولاتة عالوش