ودي ارجع هدير 2024.

انا مش عارفة ابتدى منين
لكن كلكو هنا اخواتى ممكن تساعدونى؟
انا حاسة ان ربنا مش راضى عليا…………هتسألونى ليه أنا معرفش والله
نفسى حد يساعدنى يحسسنى ان ربنا راضى عليا
انا عملت ذنوب كتيرة فى حياتى…انا عمرى 21 سنة
اتخطبت لأنسان وكنت بحبه لكنه خانى مع زميلة ليه فى الشغل وسبته ودلوقتى مخطوبة لأبن عمى بس فى مشاكل وحاسة انى بحبه ومش بحبه معرفش انا مكنش ليا نزوات ولا حب قبل خطيبى الأول
هو انا نفسى امووووووت والنبى انا مخنوقة من الدنيا انا عندى عذاب ربنا اهون من اللى انا فيه………..
عندى شك فى الناس كلها استغفر الله العظيم انا مش عارفة مالى والله مكنتش كده نهائى وكنت بصلى وراضية بدنيتى بس انا دلوقتى بصلى بس احساسى ان ربنا مش راضى عنى مش عارفة ليه..
ممكن يكون من الذنوب اللى عملتها…. بس الحمدلله لقيت ال مدونة ده وانتو كلكو اخواتى فممكن تساعدونى؟

انا اختك واتمنى ان تكوني سعيدة ومرتاحة البال لا تحملي نفسك فوق طاقتها فان الله سبحانه وتعالى من رحمته بعبده لايكلف نفس انسانية الا بما تطيقه فلا تخافي ولا تحزني اطرقي باب ارحم الراحمين بذل وخضوع واطلبي منه العفو والصفح عن الذنوب التي عملتيها من منا لم يعمل ذنوب في حياته؟؟؟فكلنا ذنوب واخطاء وخير الخطائون التوابون وان الله سبحانه يفرح بتوبة العبد اكثر من العبد نفسه فيا اختي الدنيا لسة فيها خير كثيروابواب الخير كثيرةفادخليهاوسف تشعرين بالراحة والسعادةباذن الواحد الاحد الذي لايرد عبد دعاه او ساله او استنجد به

شكرآ ليكى انا كنت فقدت الأمل ان حد يرد عليا هو فعلآ الدنيا لسه فيها خير طول مافيها ناس زيك الله يباركلك ويديكى اللى انتى عايزاه وعلى فكرة عايزة افرحك واقولك ان حصل من خطيبى اللى هو ابن عمى بينلى انه بيحبنى وده لما لجئت لرب العالمين وقولتله ريحنى يارب بجد اثبتلى انه بيحبنى الحمد لله والجواز باذن الله عن قريب
الله يباركلك عنى خير بس ممكن اطلب منك طلب؟
ممكن نكون اصحاب لو سمحتى؟؟؟؟؟

والله يااختي بيزيدني شرف ان نكون مش بس اصحاب بل اخوات في الله واسعدتيني بخبر زواجك عن قريب واسأ ل الله العلي العظيم ان يجعل حياتكي سعيدة وهنية مملوئة بالسعادة والعبادة والذرية الطيبة ويحفظك من كل سوء ومكروه ومن شياطين الانس والجن انه سميع الدعاء

يااااااه صلي على رسول الله اييييييييه اليأس والاحباط ده ياشيخة هههههه اكلمك بالمصري عشان تحسي اننا اخواتك هنا ياولية ده بس شعورك انك خايفة من ربنا ومن ذنوبك كفاية ده شعور كل مسلم فعلا شايفة الناس اللي قبل الامتحان بيقو قلقين دول بقى هم اللي ينجحو مش اللي بيقول يالله اصل مفيش حاجة تنفع دلوقتي فاهماني يا ست الكل
وانا والله زيك كده بحس بتقصير وانو ربي مش راضي علي والحمدلله لسا عايشين عشان نسعى لرضى الله اكثر واكثر عندك مامتك ولا باباك بريهم وحتشوفي رضا ربك بعيونهم لما يقولولك ربنا رضى عليكي يابنتي…
الله كررررررررررريم ياعسولة
تقبلي مروري…….

انتى مرورك ده على راسى قبل عينى
والله من ساعة مادخلت ال مدونة هنا وانا حاسة انكم اسرتى
على فكرة انا هديت والحمدلله زواجى عن قريب….
الله يخليكوم ليا ياحبيبتى

السلام عليكم استغفرى الله حبيبتى طول الوقت لان الاستغفار يزيل الهم والقلق ويرفع غضب الله عنا

ومشاء الله الاخوات ردو عليكى بما يريح الصدور وكمان مريومه هى من سنك تقريبا اكبر منك بيوم يعرف عنك بسنه ههههههههههه ويا قمر مبروك على خبر قرب زفافك ربنا يتمم بخير ونسعد معك بسماع الاخبار الحلوه اللى زيك