– دجاج مقطع ( كل واحدة اربع اقسام) وحسب عدد الافراد برضو
– خبز طابون والعدد حسب افراد العائلة
بالنسبة لخبز الطابون هو تقريبا زي خبز الفلاحين بيكون مخبوز على حجارة!!
– بصل طبعا بكميات كبيرة جدا يعني الخبزة الواحدة بتحتاج يمكن من 5 – 6 حبات بصل اما مقطع جوانح ( او مفروم خشن) ، وطبعا الكمية مع التقليب بتقل وبتكش
– زيت زيتون: عموما ما يميز هذه الاكلة هو زيت الزيتون ، لان زيت الزيتون وفير جدا في فلسطين فبتلاقي اغلب الاكلات بتتعمل فيه!!
– سماق ( لا ادري اذا هو متوفر في مصر ) بس هي نبتة لونها بيكون على احمر غمق وبطعمها حموضة ، النبتة بيدقوها وبتتحول لبودرة وهي اللي بتعطي المسخن اللون الاحمر
هي شكلها هيك:
– صنوبر ولوز مقلي
هلأ الطريقة:
1- نسلق الدجاج كالمعتاد مع اضافة ملح وهيل.
2-بنضيف زيت الزيتون تقريبا كاس في طنجرة ونضيف عليه البصل مع شوية ملح ونتركهم على نار هادية عشان يتدبل البصل ، ممكن نحتاج فنجان من المرق معاه عشان البصل ممكن لو طول على النار ينشف ويبدأ يلزق ..
3- اخر خطوة لما البصل يستوي ، بنضيف عليه السماق بكميات معقولة حسب النظر ، بيصير لونه احمر ونضيف عليهم قطع الدجاج المسلوق ونخليهم يتسبكوا كلهم مع بعض
4- بنجهز الخبز
نجيب رغيف نحطه بصينية الفرن وندهن الرغيف من فوق بشوية زيت زيتون ، بعدين نجيب قدر من البصل بمغرفة مخزقة عشان نصفي الزيت ونوزعه على الرغيف كله . بعدين نحط عليه من فوق قطع الدجاج ( يعني كل رغيف عليه قطعتين او اربعة حسب ما بتحبي)
5- نرش عليه الصنوبر واللوز وبعدين بندخله الفرن لحد ما يتحمر شوي
6- بيؤكل مع سلطة زبادي عادة
انا جبتت صورة نهائية من النت