المقلوبة
المكونات :
– 50 جم زيت
– كيلو لحمة ضانى مكعبات
– 5 جم ملح
– 5 جم بهارات
– 100 جم بصل شرائح
– 100 جم كرفس شرائح
– 100 جم كرات شرائح
– 1 ورق لورة
– قرفة خشب
– 5 جم حبهان
– 100 جم فلفل
– 100 جم جزر
– 100 جم طماطم
– 1 لتر بيون لحمة
– 5 باذنجان رومى كبيير شرائح
– 500 جم ارز
– 25 جم قرفة
– 20 جم بهارات
– 50 جم زيت ذرة
– مكسرات
الطريقة :
– الطبخة دى مرحلتين مرحلة مع اللحمة ومرحلة بعد سوا اللحمة
– ندهن الباذنجان من الجانبين بزيت ويكون سلايس ونحطه فى الفرن
بعد كده نحط الزبدة والزيت وبعد كده نحط اللحمة يدوب تاخدshock يعنى تاخد صدمة
– هنزل نص الجزر يتحمر فى الزيت ونص البصل والكرفس والكرات كله وورق اللورا والحبهان والقرفة ويتقلب كويس قوى مع اللحمة وبعد كده نحط الملح والفلفل والبهار يستوا 50 % وبعد كده نحط المية المغلية عليها واغطى عليها ونسيبها تستوى لمدة ساعة
– نص الجزر انزله زيت سخن والطماطم والبصل ياخد تسوية بسيطة والفلفل
اجيب الحلة وتكون تيفال او استليس واركب الباذنجان تحت وداير ما يدور الحلة علشان تطلع زى الكيكة ونسبتها كويس جدا بعد كده نصفى الشوربة بتاعة اللحمة
– ونحط اللحمة بعد كده نحط الجزر والبصل وبعد كده حط الرز( هو حمر الرز فى القرفة والزيت والزبدة والبهار علشان هو مستعجل لكن ست البت تقلبهم بس) بعد كده حط الفلفل والطماطم عملهم بين الرز ونغطى الرز كويس قوى ونتاكد ان كل خطوة نضغط كويس جدا بعد كده حط الشوربة يدوب نص سم واتاكد انها دخلت فى الخليط عن طريق نغز الشوكة وتستوى عشرن دقيقة وبعد ما تستوى نسيبها عشرين دقيقة علشان متفكش ونفرشها بالمكسرات او لحمة محمرة
– بعد السوى نقلبها في طبق التقديم