تجديد غرفتي موضوع مميز بالصور والخطوات 2024.

بدأت في البويه ..ولها مقادير

كبيت البوية بالسطل الكبير ..وعلبة البوية عبيتها مويه لحد الربع فقط …

وبدأت بالتحريك حتى تتجانس البوية مع الماء (( زيدي المويه اذا كانت ثقيله مرة ))

وبدأت أصبغ الغرفة تقريبا اخذت معي علبة وحده من البوية البيضاء وزاد كمان ..

ملاحظة : حجم الغرفة 3,5 * 5 والعلبة تحتوي على 3,5 لتر .

رحت النهار الثاني اجيب بقية الألوان اللي أبيها للغرفة بما أني خلصت الاساس الابيض وهو اهم شي لثبات ووضوح اللون ..

اخترت 3 ألوان من ألوان الباستيل ..من دهانات الجزيرة

درجة الخربزي الفاتح – درجة التركواز الفاتح – درجة الليموني الفاتح ..

كل علبة فيها 3,5 لتر الصنف بلاستك نصف لمعه ..من كل لون حددته اخذت علبة وحدة..

والفترة ذي سويت دعوة لصاحباتي عشان يجون يساعدوني …

من العصر لحد 10 ونص واحنا نصبغ ونلعب بالبوية ..

طبعا زي ما تشوفون مافي شي واضح.. النهار الثاني جيت اشوف الغرفة وأصبت بإحباااااط

ملاحظة : إذا جيتوا تاخذون لون من الكتالوج اختاروا لون اغمق من الدرجة اللي تبونها لأن اللون الفاتح مايبااان

الألوان كاني ألعب على عمري …مافي شي واضح…وصعبة أروح اشتري علب من جديد لأن بيني وبين ابوي رهان انه اغراضي ما تكلفني 500 ريال… وباقي عندي شغلات كثير ابيها للغرفة ..

طيب والحل؟؟؟؟

رحت لجرير واخذت ألوان تذوب في المويه ( لأن البويه اللي عندي اخففها بالموية ) وطول الوقت خايفة انه شغلي يسير ( خربطيشن ) اجي اكحلها اعميها ..

ركزت انه الالوان تحتمل الجو الخارجي ..

أخذت برتقالي صارخ + فوشي فسفوري + أحمر + ليموني +بنفسجي.

وبدأت بالخلط لحد ما حصلت على الدرجة اللي ابيها ..اخذت لون البوية الخربزي وزودت عليه لحد ما حصلت على الدرجة اللي ابيها في كل الألوان ..

الفرق واضح بين اللونين ..

بدأت بطبقة وحدة …واستنيت حتى تجف البويه ..وبدأت بالثانية عشان اللون يكون مركز وواضح..

بدات بصبغ الباب ..

ولاتغلطوا غلطتي وتصبغوا الباب بنفس البويه ..

اولا بدات باللون الأبيض كاساس ..

وبدأت باللون الخربزي …الوجه الاول …الوجه الثاني ….الوجه العااااااشر!!!!

البويه مخصصه للجدار …ولا تناسب الخشب ولأنها محلوله بمويه بدات ملامح الباب تتغير شي تنفخ وشي طلع من مكانه ..

رحت وشريت بخاخ بويه ( سعره 5 ريال ) اخذت 4 علب للباب كفتني علبتين والعلبة الثالثة كانت
فقط للرتوش ..

خلطت اللون البنفسجي مع البوية البيضاء اللي زاد من العلب الاولى .. اخذت ربع ملعقة لون بنفسجي مع نص لتر بوية بيضاء طلع لي هاللون الدميييل …

أخذت ورنيش بخاخ ( لأن العادي راح يطول على بال ما يجف وكمان ريحته قويه = ( للأسف )

سعر الورنيش البخاخ في ساكو ب 50 ريال في مكتبة عادية ب 5 ريال … اتوقع الفرق واضح …

كفتني 3 علب ورنيش للباب …لأنه متعرض للمس كثير فالبويه البلاستك تمسك اي بقع..وهذا عيبها ..