تنظيف السجاد 2013 , تنظيف السجاد بطريقة سهلة 2024
تعالي أوريكي ازاي تغسلي سجاد بيتك
شوفو اول شئ تختاري غرفة فاضية
أو بتفضي أي مكان ..او الصالة
وافرش السجادة فى الارض
وياسلام بقى لو فى سطح يبقى عال قوى
وبالمكنسة تكنسيها جيدا
وبعدين تجيبي ادوات النظافة
الفرشة طبعا
ياما حتعور ايدىكي .. متخافيش .. بتتعودي عليها
وجردل الماء والصابون والكلور وملطف الغسيل
كومفورت
وتجيبي الخرطوم وتغرقي السجادة
او تكبي بالجردل المية
بعد ما تغرقي السجادة مية دوبي قى جردل صابون الاريال اليدوى
وعلية شوية كلور الوان
وشوية كومفورت
الخلطة دى بتخلى ريحة السجاد رائحة
وتنضفة دون تجيير او نزع للالوان
وتكبيهم على السجادة
وتبدأي بالدعك الجيد طبعا بفرشة الارض
وتنزلي على الركب بقى واهرى
وبعد ما تهلكي دعك تجيبي مساحة الارض
بتاعة ارض الحمام عفاكم الله
وتننزحي الصابون وتنزليه من على السجادة نهائىاً
ودة عشان الشطف يبقى اسهل
بعد كدة تشطفي بماء غزير بالخرطوم بالجردل حسب المتاح
وتسحبي كل شوية بالمساحة لحد لما تشوفى الماء نازل من السجادة رايق زى مية الشرب
تبرمى السجادة
وتوقفيها وترشى عليها المية
ثم تحطيها فى ارضية البانيو او ارضية الحمام عموما وهى واقفة
تصفى ميتها نهائى
واحذرى تبيتى السجادة دون نشر لانها بتعمل ريحة مش كويسة
يعنى مجرد ما تتصفى تنشريها
على جدار البلكونة او على السطح
وانشريها يبقى ضهرها هو اللى للشمس
عشان لا تجرب ولا تجير
وتانى يوم تقلبيها الناحية الاخرى
وكونى حريصة فى فرد السجادة كويس
عشان لما تنشف متبقاش مكسرة هكذا
واخيرا بعد ما تغرقى وتبقى شوربة من المية
واتقسم ظهرك وايديك اتخدلت
بقى عندك سجادة نظيفة زى الفل