حلى الاوريو – طريقة عمل حلى الاوريو – حلى الاوريو بالصور
اول شي نجيب الاناء الخاص بالحلى
نجيب كيك بنكهة الكاكاو ممكن الجاهز وممكن شغل البيت<خخ
ونقطعه لشرايح مثل ماهو قدام عيونكم
بعدين نصف الكيك المقطع في قاعده (الاناء) ونغطيها فيها
نحتاج للاخوان اللي في الصوره
3 ظروف دريم ويب
4 علب قشطه
كاكاو سايل Chocolate Hershy’s Syrup
وبسكوت اوريو حسب الرقبه (الرغبه)
الطبقه الثانيه:
نخلط علبتين قشطه مع ظرفين دريم ويب
ونكسر الاوريو لارباع
نصب سيرب الكاكاو على الخلطه
نصب الخليط ونواسيه فوق القاعده الاولى وندخله الثلاجه على مانسوي الطبقه الثالثه
الطبقه الثالثه:
علبتين قشطه وظرف دريم ويب
نصب الخلطه الثالثه وطبعاً لازم تكون الطبقه الثانيه متماسكه
.
ونواسيه بالشكل هذا وندخله الثلاجه
بعد مايتماسك <<انتو وبروده ثلاجاتكم عاد
نطلعه ونحطه في صحن التقديم
ونفك الفريم حق (الاناء )
بعد مانحطه نفك حبات الاوريو ونصفها حوالين الحلى وطبعاً خلكم
سنعين وحده بكريمه ووحده لا مب مثل حضرتي لطخت الاولي والتالي
>>مالتس شغل خابره محد بياكله الا انا
اصلاً المفروض انه مايبان نص البسكوته من فوق لكن
الطبقه كانت مش سميكه انتو خلكم ازين مني وحطوه في اناء اصغر
ناخذ سيرب الكاكاو (الكاكاو السايل)Chocolate Hershy’s Syrup
ونرسم هالشكل على وش الحلى
بعدين ناخذ عود نحيف زي اللي في الصوره على اليمين (مب باين واجد)
ونسحب من الوسط للخارج
وممكن العكس
وممكن خط كذا وخط كذا
و هذا الشكل النهائي