صيري دلوووعهـ زوجج ..
وابعديه عنه بناات الحرام ..
معانا في دورة ..
الــدلـــع ..
حبيييت افتح موضوع شامل ..
(( يمكن )) اقدر افييد البنات .. ويالسه اكتبه بسرعه بسرعه لوول
والي حاابهـ تشارك في الدورة ..
لازم تطبق الشروط ^_^ والأمور الي اقولها اول بأول ..
يعني كل اسبوع بإذن الله نتكلم عن شي ونطبقهـ اوكيك .. ^^
وان شاء الله راح نتكلم عن الدلع بالتفصيل.. وكيف تصيرين دلووعهـ
من كل النواحي ,,
اولا الشعر ..
الوجهـه ..والمكياج
:44 (30):
الجسم ..
الاظافر والقدمين
تعابير الويهـه ..
الدلع على المسنجر والموبايل (طبعا مع الزوج ^_* ) .
الدلع في اعمال المنزل والطبخ ..:44 (17):
وكل شي ..
حاااااابة تشاركينا يادلوووعهـ ؟؟
خليني نشوف المشاركات ^_* .
شونسوي نتدلع عليكم لووول
تفضلي ويانا في عاااااااااااالم الدلع ^^
وسجلي حضورج ..
$$منقول$$
فديتكم قلبي ماطاوعني ارقد قبل ماانزل الموضوع سوري كتبته على السريع ..
نبدأ الجزء الأول ..
جاهزات يادلووعاات ؟؟
طبعا .. لازم الوحدة تتعلم الدلع بس لزوجها يعني اقصد هب وحدة تستخدمه في الحرام ..
انا مايخصني فيها ..
وابري ذمتي منها ..
وماابى غيير دعووه في ظهر الغييب ..
شورايكم نبدأ في الدلع .. من الراس إلى اظافر القدم ^_* ..
يلا يادلوووعات ..
بنبدا اليوم كيف بشعرج ياااادلوووعهــ !؟~~ ..
طبعا الشعر تاج المرأة ..
وكل بنت تحب تعتني في شعرها ..
بس هب كل بنت تقدر تجذب ريلها .. وانه ينبهر بشعرها صح !!
حتى لو قصتهـ او صبغتهـ مايلفت انتباهـهـ
أنزين ليييش ؟؟
لأنها ماتعرف تتدلع فييهـ !! ..
طبعا اول شي ..
الدلع مايخصه في الشعر الطويل أو القصير
المهم كيف نهتم فييه ؟؟
في البداية لازم تعرفيين طبيعة شعرج .. والشامبو المناسب لهـ
نبدأ اليوم درس كيف نغسل الشعر بدلع ^_*.
وانتي تتسبحين غسلي شعرج بكل نعوومهـ ..
افتحي الرشاش ..
ويلسي تحتهـ
وغمضي عينج ..
حسي باحساس قطرات الماي وهي على ويهج وانتي تحركين ويهج يمين ويسار .. بكل دلع
خذي الشامبو وحطيه على كف ايدج .. بكل نعومهـ
هب تشلين العلبة وتحطينها على شعرج ..لا لا ممنوع هالكلام ^_*.
افركي شعرج بكل نعومهـ ودلع مانبى دفاشه اتفقنا شوفي هالصورة
لو بعض الرغوه طاحت على ايدج انفخي عليها وطيريها في الهوا ..
خلييج دلووعهـ وشرات اليهال العبي في الرغوه
ولاتقولين كبرنا على هالاشياء ..
بعده اغسلي شعرج بكل نعومة .. وحسي بقطرات الماي وهي تطيح على ويهج ..
ولاتنسين تحطين البلسم عشان شعرج يصير ناعم ..
من تظهرين من الحمام وانتي بكرامهـ حطي الفوطة على شعرج ..
ولفيها بطريقة انثويهـ
وانتي تحطين الكريمات على جسمج والبودرة خل الفوطة على شعرج >> نتكلم عنه عقب ^_*
افتحي الفوطة ..
ونشفي شعرج بطريقه الضغط بالفوطة هب المط والدفاشة يمين ويسار نووو هالكلام مانباه ..
نشف شوي .. حلو ..
على طوول ييبي الدخون وعطور الشعر .. انصحج بعطر شانيل للشعر لأن فيه زيت الخروع مفيد للشعر .
الله ريحتج وصلت ليين عندي ^^
طبعا الحين بعد هالتعب مانباج تلفين شعرج لا لا خلييه مفتوح لين ماينشف ..
ولو بتمشطينه عالخفيف لأن ماينصحون بتمشيطه بعد السبوح .. بكل دلع
بس ياااويلج ^^ لو شفت مشطج بهالشكل *_^
نظفي مشطج ..
وبين فترة وفترة حطيه في ماي والديتول الاخضر اتفقنا ياحلوة ^_* .
اوكي شعرج مفتوح مانباه كشه صح ؟
شو نقدر نسوي فيه مممم
حطي شباصات صغيرة شرات هالشباصات على طرف الشعر ..
او حطي تاج حلوو ٍ~ ..
حطي شريطة على لون ثيابج ..
تقدرين تحطين فيه جل او موس وتخلينه كيرلي
او حطي عليه ورد لو تبين
انتظروني في الجزء التالي ^_*
ما شاءالله عليج ابدعتي …….تسلمين
تسلمين اختي الماس على هذا الابداع
حياكم الله كلكم يادلووعات ..
اشحال شعركم ؟!
اوكي نبدا درس اليوم ^_*
سمعي يادلووعهـ~~
بتقولين الشعر محتاج إلى زيوت وماسكات .. وريحهـ الزيت روحها تضرب الراس ~_~
وانا متفقة معاج في هالنقطة .. وبنحطهـ اليوم مع بعض
بس بشرط ..!!
الزيت ماينحط جدام الزوج العزيز ^_*
يعني ياوييلج لو شم منج ريحهـ هب حلوة ..!!
بنقصج 5 درجااات لووول ..
تحيدين وصية أمامة لأبنتها في ليلة زفافها ؟
اقتباس:
وتفقدي موضعَ » أنفه « فلا يشُم منكِ إلا أطيبَ عِطرٍ و ريح . .
سمعتي شو قالت لها ,,
شاطرة
نرجع لمحورنا ^_*
الزيوت والماسكات متنوعهـ وتختلف حسب طبيعة الشعر
وكل وحدة تشوف الزيت الي يناسب طبيعة شعرها ..
بوالشباب قالج بظهر عند الربع او عنده زام .. او سار السوبرماركت ..وبيطول اكثر عن ساعتين
في هالوقت بدال ماتكلين جبدج !_!
واتأخر وتدقين لهـ
ووينه ?
خلي هالوقت لج روحج ..
ممم
وقت شو الحين ??
وقت الخلطات والوصفات العجيبة للشعر ~_^
ماننسى القفاز ^^..
وياويلج لو شفتج مستخدمة اسنانج في فتح اي علبة لووول
الاسنان بس للأكل ^^
وفي اختراع اسمه سكين ومقص
حطي الوصفة بكل نظافة
مثلا بتخلطين روب وسدر وزيت
اوكي مب لازم الزيت يتقاطر في كل مكان والسدر يطيح على الارض
لازم تحطينهم بنعومة .. وبرقهـ ليش مستعيلة ؟
اشغلي وقتج بالاستغفار وحطي الوصفة ..
حطيتي وصفتج ..
وانتي لابسة )) القفاااز ((
اوكي نبى فوطة جديمة عشان تحطينها على جتفج
مايصير نوسخ ثيابنا ^_*.
اوكي جهزنا الفوطة وحطينا الوصفة ..
شي كاب للشعر :44 (27):مانخلي شعرنا مفتوح والريح تطير في الهوا ~.~
اوكي نتجهز الحين لحمام الهنا والدلع)
ممم
شونسوي في الحمام وانتوا بكرامة ؟؟
ندخل نغسل شعرنا ونظهر صح ؟
خطأ يادلووعات
نحن نبى نتسبح بدلع
اوكي شو اول خطوة ؟؟
اول شي لازم ريحهـ الحماام تكون دلع ..
عندج الروايح العطرية .. حطي الريحة الي تحبينها ..
وافتحي الماي في البانيو .. وحطي شويه رغوه
وخليها خمس دقايق ,,
جهزي ثيابج الحلوة الي بتلبسينها
.. وحطيها لو تبين بسلة أو بطريقة تحسين عمرج انج اميرة
تقدرين تلفين الفوطة بهالطريقة وتحطين ورد مجفف لو عندج ~..
مافيها شي لو دلعتي عمرج ^__*
الحين نقدر نحط في الحوض ورد جوري لو عندنا ..
او نفاخات صغيرة او اي شي رومانسي ^_*
انصحج اول شي تغسلين شعرج عشان مايضايجج طبعا تكلمنا عن غسيله في الجزء الأول ^^
اوكي ماننسى الشموع
[
[
نفتح الشموع وحلو لو تسكرين الليت واتميين على ضوء الشموع
بتحسون باسترخاء وراحهـ غير طبيعهـ وصدق بتظهرين تحسين عمرج ام الرقة والدلع لووول
اوكي الحين بخلييج تسترخيين وتنعمين بالجو الهادي وبنرد نكمل وياج بصور تسريحات البيت للشعر الطويل والقصير ..في الجزء التالي ..~
واكيد بنتكلم عن طريقة تنظيف الجسم في الاجزاء التالية ^_*