هنقدملك طريقة عمل الثوم البودر بالصور هتعمليه بالبيت بتكلفة اقل وجودة ونضافة وتقدرى تحفظيه بالسنة
هنحتاج الى
كمية الثوم اللى تحبوها بس الفصوص تكون كبيرة عشان تقدروا تقطعوه بسهولة
ممكن تعملى كيلو هيعمل برطمان حلو
الطريقة
يتم تقشير الثوم وتقطيعه شرائح رفيعة جدا لازم تكون رفيعة جدا عشان كده عاوزين الفصوص كبيرة عشان تتقطع بسهولة
بعد تقطيعه يرص فى صينية ويدخل الفرن مسخن مسبقا على نار هادئة جدا حتى يتحمص ويتغير لونه للاصفر و نخلى بالنا ليتحرق ومن وقت لاخر نقلب على الوجه التانى حتى يتحمص بدون تحمير ثم نطفىء الفرن
وده شكله بعد الفرن
ونتركه فى مكان به تهوية حتى يجف تماما لمدة 3 ايام ممكن نعرضه للشمس كل يوم ساعتين وما الشمس تغيب ندخله ونغطيه بمنشفة جافة لتانى يوم حتى لا يتعرق احنا بنغطيه حماية من اى حشرات فقط
بعد ان يجف تماما يفرم بالمطحنة مثل البهارات ويحفظ فى برطمان نظيف وجاف ممكن نحفظه بالثلاجة لفترة طويلة وناخد كمية على اد الاستعمال
وده شكله النهائى
– ضيفي ملعقة من الثوم البودر لعجينة البيتزا واتفرجى على الطعم الرائع
– كمان ضيفيه لتتبيلة البوفتيك والبانيه والكفتة والبرجر والفراخ المقرمشة بيدى طعم رائع وعززى نكهة سلطة التومية باضافة ملعقة منه على التوم
طريقة عمل الثوم البودر
تسلمي وشكرا كتيير
ويلكم وشكرا الك
بارك الله فيك
وفيكي عزيزتي نورتي
بارك الله فيكِ على المعلومة
وفيكي عزيزتي نوورتي