طريقة عمل الكشك بالصور – الكشك الصعيدى
الكشك بيتعمل عندنا فى مصر فى الصعيد .. وبيتكون من القمح البلدى واللبن الرايب وكمون وشطة وملح ..
طريقة عمل الكشك بالصور – الكشك الصعيدى
الكشك بيتعمل عندنا فى مصر فى الصعيد .. وبيتكون من القمح البلدى واللبن الرايب وكمون وشطة وملح ..
لكن انا بشوف بعض الوصفات بتتسمى كشك لكنها بتتعمل باللبن الزبادى ..
انا النهاردة بإذن الله هاقدم الكشك بس بطريقتنا الصعيدية
واول حاجة اوريكم شكل الكشك
اربع او خمس حبات من الكشك
ملعقتين دقيق
2 كوب شوربة (دجاج او لحم)
طاسة فيها بصلة كبيرة مبشورة وملعقة كبيرة سمن
ننقع الكشك فى الماء لمدة ربع ساعة او حتى يلين
طريقة عمل الكشك بالصور – الكشك الصعيدى
وهانفركه بإيدينا ونغسله كويس .. هايكون بالشكل ده
بعدين نغلى الشوربة وننزل فيها الكشك
ونجهز الدقيق بإننا ندوبه فى شوية ماء
وبعد ما يستوى الكشك بياخد حوالى 15 : 20 دقيقة
ننزل الدقيق والماء عليه ونقلب بسرعة علشان مش يتكتل
طريقة عمل الكشك بالصور – الكشك الصعيدى
ونغرفه فى الاطباق
ونحمر البصل فى السمن
ونرشه على وجه الطبق
وبألف هنا وعافية
