طريقة عمل مافن الموز والقهوة والكاكاو – حلويات جديدة ولذيذة
المكونات :
200 جرام دقيق
100 جرام سكر
100 جرام زبدة طرية
2 معلقة كبيرة كاكاو
1 معلقة كبيرة بن
1 معلقة كبيرة نسكافيه
1 معلقة شاى بيكنج بودر
0.5 معلقة شاى كربوناتو
1 معلقة شاى فانيليا
2 بيض
2 موزة
الطريقة :
1-اخلط كل المنتجات الناشفة مع بعض ما عدا الفانيليا
2- اضرب الزبدة مع السكر لغاية ما يبقو زى الكريمة
3- احط البيض و الفانيليا على الزبدة و السكر و اضربهم شوية لحد ما يخطلتو مع بعض
4- اهرس الموز بالشوكة و احط الموز المهروس على الخليط السابق و اقلب شوية
5- احط خليط الحاجات الناشفة عليهم تدريجيا" و اقلب براحة لحد ما الخليط يندمج
6- احط مكسرات او قطع شكولاتة و اقلبهم واصبهم فى قوالب الكاب كيك ( الصوانى المتقسمة قوالب صغيرة و ياريت تجيبو قوالب الكاب كيك الورق اللى بتتحط فى صينية الكاب كيك علشان المافن ما تلزئش )
7- احطهم فى الفرن على 180 درجة لمدة 20-25 دقيقة (ممكن لو الفرن جامد تاخد وقت اقل)
و ده شكل الصينية و قوالب الورق
الكمية دى ممكن تعمل حوالى 12 او 14 مافن
طريقة عمل مافن الموز والقهوة والكاكاو – حلويات جديدة ولذيذة
أكيد هجربها وهقولك
تسلم إيدك