المقادير
كأسين جريش دبي منقوع لساعه
نص كأس رز مصري او الي تبين
بصله كبيره مفرومه
2 ملعقة كبيره كمون مطحون
وملح حسب الحاجه
1 زبادي او كأس جبنه سائله حجم صغير انا حطيت زبادي
1 ونص كأس لبن او اذا تحبي حليب سعودي انا حطيت لبن
عصير ليمونه حبه
نبدا التحضير
نحمس البصل مع شوي زيت ونخليه ليذبل ولاتخلينه يلون
ثم اضيف عليه الكمون والملح
ثم اضيف الجريش والارز عليهم ونحركه شوي لدقيقتين ثم اضيف الماء الفاتر تقريبا ياصل اعلى من طبقة الجريش باربع
اصابع تقريبا
ثم اتركه ليفوح وبعد غليانه اضيف الزبادي واللبن عليهم ثم وطي على النار وخليه يطبخ على مهله ومع التحريك المستمر بين
فتره وفتره
.
وبعد ساعه اذا جمد الخليط ضيفي شوي ماء حار لاتكثرين علشان ماتسيح معك واتركيها ساعه بعد
ثم في هالوقت نحضر الحشو
حبيتين بصل مقطعه صغار
حبة فلفل حار مقطعه صغار
كمون شوي مع ملح
وملعقتين صلصه حمراء اذا ماتبين صلصه حطي حبة ليمون اسود مطحون
وثلاث ملاعق او اربع كبار سمن او زبده
نحمس البصل بشوي زبده واحط عليه بعد مايذبل الفلفل الحار وحركهم شوي ثم اضيف الملح والكمون والصلصه او الليمون
اذا تحبي ونحركهم شوي وبالاخير اضيف السمنه او الزبده واطفي عليه
بعد ماتمر على الجريش ساعتين اضيف عصير الليمون عليه واحركه باستمرار علشان مايحترق ثم بعد مرور ثلاث ساعات
يكون الجريش نضج مع ملاحظة الملح ثم احطه بصحن تقديم او بحافظه بعدين اصب الحشوه فوقه
ممتازة حبيبتى