طريق التتبيله دي هي الطريقه المعتمده في اغلب المشويات سواء لحوم او فراخ او شيش طاووك (رائعه مع الشيش طاووك)
المقادير :
فرخه مقطعه 4 قطع او كاملة
صويا صوص (2-3 ملعقه كبيره ) وخلى بالك عشان بتبقى مالحة
علبه زبادي – او ربع لتر لبن رايب
زيت (ربع كوب )
معلقتين صلصه (او كيس صلصه صغير فاين فودز)
1 ملعقه كبيره بودره توم – او توم مفروم
2 ملعقه كبيره زعتر مطحون
ا ملعقه كبيره بابريكا
شويه خل
عصير 2 ليمونه
ملح + فلفل
المقادير كتير شويه بس الطعم يستاهل
الطريقه :
تتبل الفراخ بالمكونات السابقه وتشك بالسكينه لامتصاص التتبيله جيدا
تترك في التلاجه – يفضل يوم كامل وتقلب كل فتره في التتبيله
توضع في ورق الفويل وتغطي بشكل كامل وتدخل الفرن من ساعه لساعه ونص وومكن نزود شويه صوص ليها في نص مده التسويه