فطائرهشه بالصور, طريقة عجينة الفطائر القطنية , معجنات بالفرن،فطائر بالفرن سريعه 2024.

المقادير..

كاس حليب بودرة
كاسان ماء دافىء
ملعقتان طعام خميرة فورية
نصف كاس زيت
مقدار فنجان قهوة سكر
ملعقة شاي ملح
ملعقة كبيرة بكنج باودر
4 كاسات طحين

اعجبكم وانا اقيس المقادير هع..

الطريقة..وركزوووا بالطريقة..

يوضع الماء في زبدية كبيرة ويوضع عليه الحليب والخميرة ويحرك جيدا ،
ثم يوضع عليهم الزيت والملح والسكر مع الاستمرار في التحريك..
بعد ذالك يوضع الطحين (والبكنج بودر ) ويخلط جيدا واعجني على قد ماتقدري وكل ما عجنتي ضمنتي فطيرة مثل القطنة
(تترك الى ان تختمر من ساعة الى ساعة ونصف وعندما تختمر انثري الطحين ثم افرديها وقطعيها واحشيها على حسب الرغبة )
وعلى ضمانتي تطلع روعة

واذا ماعجبتكم رجعوها..

بصراحة انا استخدمت طريقتين للخبز..
الاولى الطريقة العادية..حشيتها ودهنتها بالبيض وحطيتها بالفرن الين تحمرت..
والطريقة الثانية بالشواية فردتها وحطيتها بالشوايه وطلعتها وتركتها تبرد شوي وبعدين قسمتها نصين وفتحتها وحشيتها..<<يمي يمي جعت

بالنسبة للحشوات استخدمت ايضا حشوتين..
الاولى اللي بالفرن..
حطيت جبن مالح وبيضة ونعناع مجفف وبقدونس مقطع وزعتر مجفف(بري)
وعلى الوجه دهنتها بالبيض ورشيت الزعتر البري المجفف..(اوريغانو)

والثانية المشوية..<<تتعب الصراحة بس النتيجة شي
اول شي ندهن الشواية بالزيت قبل نحط العجينة بكل مرة..نحط العجين لمدة دقيقتين تقريبا لحد مايتحمر من الجهتين..
ونطلعها ونغطيها عشان لاتيبس..وبعدما تبرد نقطعها نصفين ونحشيها..
انا حشوتي كانت..
دجاج وطحينة وفلفل بارد وليمون..طبعا الدجاج مطبوخ..

المهم اترككم مع صور لها صح مو ذاك الزود بس والله وش اسوي توهقت..
بديت فيها الساعة 4 العصر ومالحقت اخلصها..اذن المغرب وانا ماخلصت لذلك استعجلت فيها شوي ومامداني اضبط الشكل للتصوير..!!

وبس..!!

جربوها وان شاء الله بتعجبكم..

تحيتي..