ميكب الخطوبه ، كوني جذابه ، مكياج للعين جميل 2024.

انتى بنوتة امورة حتعملى حفلة بسيطة يعنى مش فى قاعة ولا فرح فالشارع حفلة صغيرة يعنى زى اى عيد ميلاد او حفلة نجاح بس المرة دى انتى نجمة الحفلة عشان كده حتلبسى فستان شيك وسواريه لكن الميك اب اوعى تفكرى انك عروسة ولازم تبقى مختلفة عن المعازيم بدرجة كبيرة
اولا الميك اب بتاع الست مرجانة ده مينفعش خاصة بقى لو انتى اصلا ملكيش فالميك اب
يبقى بلاش الوان غامقة وبلاش تسمعى اراء صحباتك وقريباتك اللى تقولك لالا دى احدث موضة الكات ايز

والتانى تقولك لا انتى عروسة ولازم مكياج تقيل

ولا اللى بتحب الخليجى وتشور عليكى

بجد حتحتاسى جدا ومش حتعرفى تعملى حاجة تدخل مزاجك فى الاخر

وحتى لو انتى بروفيشنال فالميك اب وبتعملى ميك اب حلو اوى لازم تعرفى ان دى مناسبة بسيطة ومفيش داعى للبهرجة

كمان الميك اب التقيل لو ساح منك حيبقى شكلك مش حلو خالص انا شفت بنات كتير مكياجها مع الوقت والحروالزحمة ساح يبقى ليه احط تقيل من الاول ولما يسيح ابقى عفريتة

حاجة كمان
كل ماتبقى رقيقة وهادية كل مايبان انك واثقة من نفسك ويبان انك رقيقة وبدل ماتلاقى كل الناس بتتكلم عن شكلك واللى تقول دى اوفر ولا لا الميك اب مش لايق عليها خليهم يقولوا انك بسيطة وواثقة فى نفسك

وبالنسبة للميك اب تعملى تيست قبل الخطوبة بمدة وشوفى فيديوز وتوبيكات هنا حتفيدك كتير

الاى شادو
حنحط عدة اختيارات

1/ انك مش محترفة ميك اب

مش محترفة ميك اب مفيش مشكلة متقلقيش دلوقتى بقى موضة جدا الشادو اللون واحد مش لازم تدخلى اكتر من لون لا هاتى لون بكون شاينى وبربرق بس حاجة بسيطة مش بيربرق جامد اوى وحطى منه على جفنك المتحرك وخلاص كده خلص الشادو زى دول وياريت تخارى لون هادى وواضح

2/ محترفة فالميك اب

تقدرى طبعا تلعبى بالشادو براحتك اللى اقدر اقولهولك حطى الوان متناسقة مش غامقة اوى وتراعى مساحة جفنك وحجم عينك وزى مابنقول دايما كل ماتبقى رقيقة تبقى افضل وادمجى الوان مع بعض تكون برضه رقيقة مش لازم حاجة فاتحة واللون التانى يكون غامق ودى نماذج تقدرى تعمليها