السلام عليكم يا حلوين
عاملين ايه
اولا كده الموضوع ده انا اللى كاتباه مش ناقلاه ..اصل انا بعيد عنكم موسوسه اوى ومبحبش استخدم حاجات مضرة لبشرتى ..سمعت كتييير ان الروج فى مواد مش كويسه حتى لو كنتى بتستخدمى ماركات معروفه
قلت مبدهاش احنا مش هنغلب فكرت فكرت وقررت اعمل فكرة مجنونة بس قلت اقلهالكو الاول عشان كده مكتبتهاش فى وصفات مجربه لانى لسه هجربها زيكو بالظببببببببط
نيجى بقا للفكره
اولا انتى مش هتخرجى قبل ما تدعيلى على الاقل
ثانيا انتى هتجيبى قاعده هنستخدمها فى الروج وهى العسل الابيض
هتحطيه على شفايفك الحلوين زى كده
اعوذ بالله ..لا مش الشفايف دى
اقصد الشفايف دى
وهيبقى شكلها حلو اوى كده
جميله اوى كده اول خطوة زى الفل نيجى بقا للون الروج
لو عايزاه احمر
هتجيبى كركديه ناشف وتغليه
فى ناس كتبوا فى الموضوع انها قبل كده زمان جربت الكركديه على الشفايف علطول بيتغير يا بنات وبيبقى ازرق ..فممكن نجيب دم غزال اصلى من العطار (خدو بالكو عشان فى دم غزال كيماوى)
لو مش حابه كده ممكن تغلى الكركديه كويس اوى وتاخدى الميه بتاعته الحمرا تحطيها على شفايفك بقطنه مرتين تلاته كل اما تنشف تحطى لحد ما بقك يبقى ملون وتحطى عليه العسل هيبقا لونه طبيعى
وهتبقى شفايفك كده طبعا كل اما تزودى البودرة او تقليلها هيزيد اللون او هيقل
لو عايزة بقا لون بنى
عليكى وعلى الشكولاته
هاتى شكولاته جلاسى مثلا
سيحيها
وتجيبى ازازة فاضيه بتاعت ليب جلوس
وتحطى فيها حبه عسل وحبه شكلاته سايحه
قلبيهم كويس جداا
وهيبقى اللون كده
لو عايزة تخلى البنى على اورانج شويه حطى عليهم شويه كركم (متخافيش الكركم طعمه مش وحش وغير كده حلاوة الشكولاته والعسل هتغطى عليه
وهيبقى لونه كده
اما لو عايزاها كده (للمتزوجات) رشى بس عليها شويه سكر
