طريقة عمل الحواوشي الإسكندراني
أولاً : العجينة بتاعت العيش
1-تجيبي الخميرة الفورية وشوية ماء دافيء ومعلقة سكر وتسبيهم شوية
2- تجيبي 4 كوب دقيق بما يوازي كيلو وتحطي عليهم كيس لبن بدرة صغير
وشوية ملح صغيرين وتحطيهم على بعض
3-وتحطي حوالي معلقتين كبار زيت على رقم اتنين وبعد كده تحطي الخميرة
وتعجينيهم على بعض وتزويدي ماء بشويش مش هقدر أقولك مقدار ماء علشان ده على حسب الدقيق المهم إن العجينة أول ما تخلص تطلع ايدك نظيفة والعجينة مرنة
وتسيبيها حوالي من ساعة ونصف إلى ساعتين علشان تخمر ودفيها بغضاء وكيس نايلون نظيف
ثانياً : اللحم
1-تجيبي نصف كيلو لحم مفروم وحزمتين بقدونس أخضر وبصلتين كبار
تفرومي البصل وتمروطيه أو تدعكيه في ملح وفلفل أسود وجوزة
الطيب وبهار لحمة
وشوية زعتر صغيرين
وبعدين تفرومي البقدونس وتدعكيه في البصلة كويس أوي
وبعدين تحطي عليهم اللحمة وتدعكيهم في بعض كويس أوي أوي
وتسبيهم شوية في الثلاجة لحد ما العجين يخمر
وبعدين تفردي العجين بالنشابة وحطي شوية دقيق تحته علشان ما يلزقش وشوية فوقه
وبعدين تحطي اللحم في الوسط وتكوني فرده التاني وتحطيه فوقيه
عاوزه تحطي فلفل خرطي وحطي عاوزة تحطي طمام حطي بس تكون ناشفة
وبالهنا والشفا
طريقة عمل الحواوشي الإسكندراني
ودي ليك