{{{فوائد قشر القهوه }}} 2024.

لما تشترينه مايكون محمص لازم تاخذينه وتنقيه وبعدين تاخذي ملي يدك يعني قبضه اليد قشر القهوه

تحمسيها على النار شوي بعدين تجيبي البكرج او الابريق اللي

تغلي فيه القهوه تحطي فيه القشر بعدين تحطين عليه القرفه وسنوت وزجبيل القرفه تكون مجروشه مو ناعمه مره واذا ما عندك الا ناعم عادي بس بيطلع عليك مو صافي لما تصبيه ويطلع قوي نكهته شوي وجيبي تمر 6 حبات او 8 حبات على كيفيك اللي يخلي حلاه مضبوط او ممكن تخطين بس خمس حبات تمر وتزيدين شوي سكر وهذا اختياري بس هذا عشان الحلا يصير مضبوط اكثر بعدين تغليها على النار لمده ربع ساعه بعدين بعدين جيبي الترمس وبس وتنشرب مثل الشاهي مو مثل القهوه

يعني تتقدم مع فناجيل شاهي عشان كذا نقول خلي القرفه مجروشه عشان يكون صافي شوي وبعدين قشر القهوه ما ينطحن مجرد ينحمس وينحط بس

فوائدها :

تصفي الدم في الجسم يشربوها الرجال والحريم والبنات هذا اهم شي انها تصفي الدم ومالها وقت محدد نحن نشربها مثلها مثل الشاهي باي وقت

لكن ليش نركز ايام الدوره والنفاس لانها كمان تنظف الرحم وتطرد الاوساخ اللي فيه وبحكم انها تنقي الدم فهو برضو حلووو ومفيد ..

لطلب النحافه والقوام الرشيق بقشر القهوه..

وطريقتها: تمسك القشر وتحمسه وتطحنه مثل القهوه وتحط زنجبيل طازج تبشره معاه

وتحط عليه المويه ويغلي وتكون هي مجهزه في ترمس القهوه