الخيانه
الزوجيه من وجهة نظري
السلام عليكم ورحمه الله وبركاته
والصلاه والسلام على افضل الخلق
سيدنا محمد صلى الله عليه وسلم
****
بدايه الكلام الموضوع ده من اوله لاخره هديه لاختى حبيبه قلبى
om zido
لان معظم الكلام اللى هقوله كانت نصايحها ليه بعد دماغى اللى كانت ناشفه
وبتصرف غلط لحد ماربنا هدانى والفضل لله ولاختى نور عيونى وحبيبه قلبى
بصو بقى اختى دى نص دماغها مصرى والنص خوجاتى يعنى هتسمعو نصايح
خوجاتى مصرى اصيل مش نصايح اى كلام
اول كلامى ان الانسان مش ملاك يعنى اى وحده بتعد تشتكى هنا من جوزها
فهي مش ملاك زى وحده مره قالت
جوزى ضربنى بالشالوط ليه يابنتى اصلنا كنا شدين مع بعض وقولتله لفظ وحش
وراح ضربنى بالشالوط
طب جايه تشتكى ليه بقى نفسى افهم !!! واللى داخله تقولها منه لله
لاء اقفى عندك لا انتى تدعى على واحد متعرفهوش ومتعرفيش الظروف
ولا اللى بتشتكى تشتكى لان شوفى انتى عملتى ايه وحاسبى نفسك
قبل ماتحاسبى خطيبك او زوجك
تانى حاجه لاحظت حاجه يمكن قليل منكم اللى لاحظها ان اقدر اقول حواديت
مفبركه بتنزل على مدى فترات مبتدخلش اصلا دماغى ويمكن داخل فيها سياسه
لان فيها الوسواس ومن هو الوسواس ؟ الوسواس الخناس اللى هو الشيطان
اللى بينفخ بودان الناس لاحظو كاااااام موضوع نزل عن الخيانه بالذات للمصريات
لحد مابقى شكلنا تيت والناس اخدت فكره ان الزوج المصرى خاين ووو والست كذا وكذا
لما وحده كتبالى موضوع تشتكتى قال لاقت جوزها اشترى موبايل جديد شكت فيه
ضفته على الميل وعملت نفسها بنت راح جاى معاها سكه ولاقيته بيخونها
ياااااسلام !!!وغيرها مواضيع اصلا اى زوجه لو قرته تشك بزوجها حتى لو كان ملاك
واى بنت مخطوبه هتشك بخطيبها واى بنت لسه متجوزتش
هتخاف من الجواز بسبب الخيانه يبقى مش كل مشكله نقراها
نخلى الشيطان يوسوس لينا ………
ندخل بالمهم نيجى بدايا لخيانه الخطيب لخطيبته اول حاجه
اهتمامك الزايد بيه انك ماشيه جمبيه مسكاه بايدك خاااايفه للهوا يطيره
كل شويه التليفون بتاعه ررررن رررررن ايه نحله بتزن خاليه يشتاق ليكى ….
وكله الا اهلك واهله لا تشتكى من اهله ولا من اهلك ولاااااا تغلطى باى حد مهما حصل
اول مقوله قالتهالى اختى حبيبتى قالتلى
تحبى تبقى فراشة ولا ذبابة ؟ قولتلها فراشه
قالتلى كونى فراشة فى نظر جوزك فى جمالها والوانها الحلوة علشان يجرى وراها ويسعد برؤياها
لكن الذبابة صوتها مزعج بتزن ومش بتقف غير على الوحش
والانسان بيقرف منها ويهشها بعيد عنه
وزنها يفقد الانسان اعصابه
من كتر زنها واسئلتها انت بتحبنى لسه بتحبنى؟
كلمتك مش رديت عليا انت ساكت ليه ؟
انا زهقت هو انا مملهة ولا ايه ؟
نسيت ايام ما كنت بتجرى ورايا ؟ وووو
ذبابة ما بتقفش عير على مساؤى جوزها وبتنسى تبقى فراشة تشم الحاجات الحلوة
تالت حاجه اسراااااااارك انك تفضلى تحكى لدى ولدى انا امبارح كنت مع خطيبى
وروحنا وجينا ووولوك لوك طول مابتحكى عليه هتلفتى نظر اللى قدامك ليه
على الاقل دارى على شمعتك تقيد علشان ربنا يتمم بخير
لان كتير بنات من كتر مابتحكى عن خطيبها قدام صديقتها
تبص تلاقى هووووب عدت الايام وخطيبها قالها مش هنقدر نكمل
وتانى يوم زغاريد ايه صديقتها اتخطبت لمين لخطيب اللى كانت بتحكى
يالهوى ده كان بيموت فيا ودى صحبتى ننى عيونى
صاحبتها تقولها وانا مالى ده نصيب يالا باى باى ودى حصلت بجد هنا بال مدونة
دايما يقولك لا تبوخى وحده كتير قدام زوجك ولا تفخمى فيها لانك بتلفتى نظره ليها
اوى وبتخليه يعجب بيها وبنفس الوقت العكس متتكلميش على زوجك كتير قدام وحده
مهما كان ثقتك فيها الا امك واختك
وبعدين الغلط المنتشر الكبيييييير النت
ان البنت بعد ماترتبط تمسك باسوورد خطيبها وهات تفتيش فيه
وامسح دى وحط دى
لو وحده لاقتيها ميعرفهاش معرفه نت اوك من حقك يمسحها
لكن زميلته او قريبته مش من حقك تؤمريه انه يمسحها احتراما ليه وليكى
علشان من كتر ضغطك وزنك ممكن يعمل اميل من وراكى ويضيف ويكلم براحته
ويرتاح من زنك لكن لما تبقى الحاجه قدامك افضل كمان اما تكون من راكى
علشان تديله انطباع انك واثقه بنفسك وانك حاجه هو يجرى وراها
كان بمره حصل موقف ولد كان بيحب وحده اوى وهيه مكنتش بتحبه
واتقابلو صدفه بعد مرورو سنين وسلمت عليه وقالها انا خطبت قالتلو مبروك
وفرحت اوى واخد منها نمرتها قال علشان يسلم عليها بعد كده
وفضل يتصل يتصل بيها كل يوم من ورا خطيبته والبنت تقفل معاه ومتردش
لحد لما لاقاها مطنشاه وحب يحرق دمها عمل ايه
راح زاقق خطيبته وقالها بصى هريانى اتصالات
طبعا البنت مسكها هو زى الاراجوز وعملها كوبرى وراحت البنت بدل ماتطلع عاقله
وتقوله متردش او غير خطك او لو اتصلت خليها تكلمنى وتتكلم بالادب
لاء راحت متصله بالبت ولوك لوك لوك بقله ادب والفاظ وتيت وتوت وتزعق
راحت التانيه طبعا مش هتسكت مسكها ادتها على دماغها
وقالتلها ابعدى انتى خطيبك عنى وقفلت بوشها السكه
بقى شكلها ايه دى بقى خطيبته ؟ !!!
والموضوع ده حصل بجد قدام عينى فعلا
علشان لو الولد كان واثق ان خطيبته عاقله مكنش هيعمل كده لكن عارف انها
ماسوره وهتتفتح
نيجى بقى للمتزوجه اخيييييييييرا من اللى شوفته لاحظت ان اى زوجه
زوجها بيخونها انه الاول بيدى زى صفاره سابق انذار قبل مايخون
زى اخت مره بتحكى . زوجها طلب منها حاجه بينهم حلاله عادى قالت انا زهقت
تعبانه مش كل يوم لحد مازوجها اتخنق قالها انا بحب الحاجه دى يااما هروح
اتجوز وحده تانيه طب لما انتى ليه مش تديله الحاجه دى دلوقتى
ومن حقه افضل لما يجيلك خبر انه اتجوز هيبقى موقفك ايه شوفى جوزك واحتويه واعرفى
ايه بيحبه وحبيه واعمليه ودى فعلا سمعتها وشوفتها بعينى رجاله
خانت وبصراحه فى رجاله شوفتها ليهم الحق مراتهم يااااااااااا اعوذ بالله
ومره سمعتها قال انه بيعد يجيب لمراته حجات حلوه تلبسها
وهيه تروح مسكاها شايلاها لما زهق منها
بصو الحكمه دى
♥تَنآلُ الْفَرآشَةُ إِعْجآبَ الْجَمِيعِ●لآ أَحَدَ يَكْرَهُهآ●مــآ السّر √!!
♠إِنَّهُا الْهُدُوءْ●لآ تُزْعِجُ أَحَدً●
عارفين يعنى ايه الهدوء يعنى مش كثيره الشكوى مش كثيره النم والزم
مش كتيره الكلام على الفاضى والمليان لما تتكلم تلاقى نفسك
حابه تسمعيها يطلع من لسانها احلى الكلام واحلى الفاظ
إِنَّهآ الأَنآقَةُ●مَنْظَرٌ رآئِعٌ بِأَلْوآنٍ جَمِيلَةٍ●ツ
الست لازم تكون شيك قدام جوزها وجوه بيتها مش لازم شيك برا بيتها
باللبس المحزق تقولك علشان ابقى موزه جمبيه لاء
لما جوزك يشوفك لابسه كده وكله بيتفرج عليكى هتبقى حاجه رخيصه
وحاجه عاديه لكن لما تبقى ست شيك ولبس محترم برا بيتك
وجوه بيتك ادلعى والبسى كما يحلو لكى ولزوجك علشان ميبصش برا
واهم حاجه نضافتك الشخصيه لان ريحتك بتركز اكتر حاجه بدماغ الراجل
اكتر من رؤيته ليكى يعنى لما الراجل يفتكر مراته اول حاجه
بتيجى بباله ريحتها ونضافتها مش تبقى ماليه نفسك عطر
ومن ناحيه النضافه زيرو لاءه طبعا خليكى نضيفه بكل مكان فيكى من غير البرفنات
تخيلى بقى الزوج جه افتكر مراته وافتكر حجات : (
ساعتها التركيز هيروح من دماغه وهيقول اعوذ بالله من الخبث والخبائث
هقربلكو الموضوع اكتر تخيلى مسكتى وردتين
وحده شكلها حلووووووو جدا والتانيه عاديه
بس مسكتى الورده الاولى وجيتى تشمى لاقتى ريحتها يااااااااااع
اول حاجه هتعملى ايه هتغمضى عنيكى وترمى الورده وتقولى ايييييييف
لكن هاتى التانيه شكلها عادى لكن جيتى شمتيها وريحتها حلووووووه
هتلاقى نفسك بتشميها بنفس وتقولى الله وكل ماتشوفى الورده اول حاجه
هتفتكرى ريحتها وهتجرى عليها
☼إِنَّهُا السُّلُوكُ الرّآقِي●تُدآعِبُ الرِّيآحَ وَ تَقِفُ عَلَىَ كُلِّ شَيْئٍ جَمِيلٍ●ღ
سلوك راقى يعنى تفكير راقى يعنى راى حكيم مش مدب بكلامها وهابله
وتعد تقول الفاظ وحشه وتغلط بالناس تقول دى فلانه معتوهه ووو
لا لالالا عيب هتبقى انسانه قليله بنظر زوجك حتى لو كان زوجك كده اصلا
علميه الاحترام هيحبك ويعززك وكمان ولادك هيطلعو زيك ولما بنتك تطلع زيك
صدقينى جوزها هيفضل يدعيلك طول العمر تخيلى لما جوز ولا خطيب
بنتك يقولها ياساتر عليكى طالعه وحشه زى امك
وتخيلى لما جوز بنتك ولا خطيبك يقول لبنتك يااااااااه صحيح ست طيبه
وجميله وعرفت تربى تطلع اجمل حوريه بالكون
⋟تُحِبُّ السَّلآمَ ●فَتَبْتَعِدُ عَنِ الْمَخآطِرِ●لآ تُؤْذِي حَتَّى مَنْ يُؤْذِيهآ●♣
تحب السلام يعنى دايما تحسن الظن بالله مش تعد تقول فلانه جت عندى
وعنيها وحشه فلانه دى معرفش ايه جوزى اتاخر يبقى اكيد فى حته الله اعلم بيها
لكن تخيلى لو أحسنتى الظن بالله الوسواس هيبعد عنك اولا,, ثانيا
ممكن حاجه تكتشفى انتى كنتى فهماها غلط وتلاقيها عكس كده خالص بالصبر والايمان
وبكده هتبقى انسانه قليله المشاكل وكل الناس تقرب منك وتحبك
حتى بعد الوفاه لقدر الله الانسان بتفضل سيرته
حلوه من افعاله حتى باولاده
█▓░فَإِنْ كُنّآ مِثْلَهآ●لَمَلَكْنآ قُلُوبَ النّآسِ أَيْنَمآ ذَهَبْنآ ♥░▓█
بعد كل ده احب اختم كلامى انك تحتوى جوزك وتاخدى بالك منه وشوفى بيحب ايه منك
وعوديه عليه لان الزوج زى الطفل لما يتعود على حاجه حلوه منك
مش هيقدر يستغنى عنك طول عمره لطفى لسانك وقلبك حتى لو كان هو لسانه وحش
عوديه على السيره الحلوه لانك تأكدى زى ماانتى قاعده جمبيه تنمى
هيتكلم عليكى من وراكى بالوحش يعد يقول ياسااااااتر هروح للست اللى لسانها
متبرى منها دى وتفضل تلوك هيبقى مشوار البيت هم تقيل على قلبه ودايما يهرب من البيت
بدل مايبقى فرحااااااان وهو مروح وبيجرى عليكى ويرمى همومه عليكى
ولما يكون بينكم حورا وبتصفو اى خلاف متفضليش تشدى معاه
سبيه يطلع كوول اللى جواه مش تفضلى تقوليله وانت وانت وتتنرفزى
وتسخنى الدنيا اكتر لان صدقينى هتكونى انتى الخسرانه بالاخر
لا اسمعى للاخر وردى بهدوء لو سالك على حاجه
وانسحبى بلطف ولما يهدى اتكلمى وحاوريه بالموضوع وصفى الخلاف بهدوء
ومفهاش حاجه لما تعتذرى عن غلطك بلاش التكبر
وبعدها تنسى الخلاف ده واوعى تفتحيه باى مجال فى وسط كلامك بعد كده
وربنا يحفظنا ويحفظكم من كل شر يارب
