فطيرة البروكلي والفطر
فطيرة البروكلي والفطر
الطريقه والمقادير مع بعض :
نجيب صامولي .. تقريبا 5 حبات ,
ونطحنهم
ونضيف عليهم شوية بابريكا مع فلفل اسود ,
ونضيف عليهم نص اصبع زبده و5 حبات جبن كيري ..
ونعجن لما تصير عندنا عجينة متماسكه ,
بعدها نحطها بصينية التشيز كيك " اللي تنفتح على جنب "
ونحاول نرفع الأطراف حقت عجينتنا
الحين نجهز الحشوه ,
نسلق البروكلي والزهره لمدة 5 الى 10 دقايق بالكثير ..
ونصفيه ونحتفظ بمقدار 3 ملاعق كبيرة من موية السلق " عسى ماتكلفتي "
نحط زيت في قدر ع النار ونحط عليه بصل مقطع قطع صغيره ..
ونحط عليه شوية ملح عشان يذبل " كم مره عدت هالجمله بالله " ؟!
بعدين نضيف عليه فطر مقطع شرايح ,
ونقلبه ونحط عليه فلفل اسود وشوية بهارات ..
وبعدين نضيف البروكلي والزهره ونقلبها دقيقتين بس ,
ونرفعها من ع النار
الحين نجهز الصوص :
نخلط 4 ملاعق كبيره جبن سائل مع 4 ملاعق كبيرة من موية السلق حق البروكلي والزهره مع ربع كاس كريمة خفق مع علبة قشطه ,
الحين نضيف الحشوه ع الصينية حقت التشيز كيك
وبعدين بالملعقه نحط الصوص عليها
لما يغطيه شوي ..
مانغرقه مره ,
لما يغطيه شوي ..
مانغرقه مره ,
بعدين نحط عليه جبن تشدر مبشور
ونغطيه بقصدير وندخله الفرن لمدة ثلث ساعه تقريبا
ونطلعها
ونخليها تبرد شوي ونزينها بشوية اوريغانو ,
وعافيه
,
ملاحظة :
أنا سويتها بصينية صغيره ,
ولو اني زايده بكمية العجينه شوي
فطيرة البروكلي والفطر
فطيرة البروكلي والفطر
