صور مكياج للعروس2013 , الوان انيقه لمكياج للبنات 2024 كولكشن ميك اب للسيدات2013, ميك اب السيدات روعه 2024 , ميك اب للسيدة الانيقة ، ميك اب جان كيوت ، ميك اب للجامعة ، ميك اب صباحى ، ميك اب حفلات ، ميك اب سهرات ، ميك اب خفيف للبيت 2024
– إبدئي بوضع اللون التركواز الرائع من زاوية عينكِ الداخلية حتى منتصف جفنكِ العلوي ..
خلاص نظفنا بشرتنا و اعتنينا بيها,نبدأ خطوات الميك اب
4-ايه هو البيس base?
الميك اب بيس هو كريم او مستحضر بيتحط قبل الميك اب عشان يثبته و يوحد لون البشرة و يخليه شكله افضل
اشهر نوع لينا هو ال BB cream و ماركته المعروفة في مصر هي ديرماكول و ده عبارة عن كريم اساس بيتحط على الوش عشان يخفي العيوب و يوحد درجة البشرة, و لأنه سميك من الافضل انك تمزجيه بكريم الاساس بتاعك في ايديك الاول و بعدين تفرديه بالسفنجة او الفرشة…او ممكن تحطيه على وشك و بعدين تحطي فوقيه كريم الاساس…و هي دي درجات الديرماكول
في برضه ميك اب بيس من كلينيك مناسب للبشرة العادية و الجافة
5-ايه الوان البيس المختلفة زي الازرق و الاصفر..معناها ايه دي؟
الميك اب عشان يطلع احترافي و من غير عيوب دلوقتي بقى في بيس الوان كل لو مناسب لحاجة معينة
اللون الازرق : و ده بيتحط للبشرة اللي فيها احمرار و بيقلل الاحمرار ده
اللون الاخضر : لتغطية الحبوب و اثارها
اللون الموف: بيوحد لون البشرة كلها لو في حتة غامقة هنا او هنا
اللون الاصفر او المشمشي : ده للهالات اللي تحت العين
الموضوع معقد شوية و ده لل make up artists اكتر منه للاستخدام العادي
6-ممكن استخدم ايه بدل اللخبطة دي كلها؟
ممكن تستخدمي فيس برايمر face primer ده هيثبت الميك اب و بتحط قبل كريم الاساس زي :
1-برايمر من ريفلون و ده كمان بيشد البشرة
Revlon age defying instant primer
2-برايمر من سماش بوكس
smashbox foundation primer
7-ممكن استغنى عن البيس او البرايمر ده خالص؟
طبعا ممكن, بس الافضل تحطي كريم مرطب قبل كريم الاساس او لو نازلة الصبح ممكن تحطي الصن بلوك على وشك
__________________________________________________ __________________________________
8-ايه هو كريم الاساس؟
كريم الاساس او الفاونديشن هو عبارة عن كريم بيتحط تحت الميك اب ده كله عشان يثبته و يضمن تغطية كاملة لبشرتك و برضو بيحميها من الميك اب
في فاونديشن سايل و كريم و مضغوط و بودر او ستيك …و في كريم اساس مناسب لكل لون بشرة و كل نوع بشرة…و الافضل تختاري درجة بشرتك او افتح درجة بسيطة عشان تباني طبيعية
9-ازاي احط الفاونديشن؟
ده بيعتمد على نوعه :
السايل زي ده
ممكن يتحط بالسفنجة
او بالفرشة
او بايديكي
10-ازاي اوزع الفاونديشن على وشي؟
اهم حاجة في التوزيع انك مش تدعكي زي ما بنعمل في الكريمات و المرطبات عشان البشرة ماتشربوش.هتحطي الفاونديشن على السفنجة/ايديك/الفرشة و هتحطي منها على الوش في شكل نقط
و ابدئي طبطبي على جبهتك _مش تدعكي_باستخدام السفنجة/ايديك/الفرشة من اليمين للشمال كدة و اوصلي لحد منابت الشعر
, و بعدين انزلي على الانف من فوق لتحت و متنسيش جنب الانف
, و منها انتقلي للخدين من جوة لبره و اطلعي لحد الودن و انزلي بيه لتحت
و بعدين انزلي للدقن و مهم قوي عدم اهمال فوق الفم و الفك و الرقبة عشان بيبقاش في اختلاف فى درجات اللون
الفرشة احسن حاجة تستخدميها, في حين السفنجة بتمتص كتير من كريم الاساس و لما بتستخدمي صوابعك ممكن حرارة ايديك تخلي الكريم يدخل و يدوب في المسام
في كمان النوع المضغوط
ووضعه يشبه قوي البودرة المائية بس من غير ما تبلي السفنجة…بتخديها و تمرريها على الفاونديشن و توزعيه على وشك بنفس الطريقة اللي فوق
في النوع الستيك
و طريقة وضعه انك بتحطي منه دوائر على وشك…و بالسفنجة_الفرشة هتبقى صعب شوية_او بايديكي هتوزعيه على وشك
نصيحة كدة لما تستخدمي صوابعك في توزيع الفاونديشن او الكونسيلر او اي حاجة انك تستخدمي البنصر_اللي هو بعد الصباع الصغير_لأنه اضعفهم فمتضغطيش جامد و الفاونديشن ينزل في المسام…