الوسم: الستائر

ونبدأ باسم الله

هذا شكل حافه القماش من تحت

يعني لا نقوم بكفه من تحت لانه فيه نقشات

تقيسين عرض الشباك المطلوب
وتضربين الرقم في 3 او 2 ونص
يعني مثلا لو كان عندك الشباك عرضه مترين لازم تاخذين اقل شي 5 امتار

وتقيسين الارتفاع ايضا
وتضيفين على ارتفاع الشباك 20 سنتمتر
حتى يكون 10 سنتمر من فوق و10 سنتمر لكفه التحت
لاكن هنا القماش مامحتاج تكفينه من التحت فقط أضيفي 10 سنتمتر لتكفيفه من الفوق
وتفرشين القماش وتقصيه مع زياده العشره سنتمتر مع قماش النقشات من تحت و20 سنتمتر مع القماش بدون نقشه

وتفرشين القماش على الارض او طاوله كبيره
وتستعملين السنتمتر بطول الحجم المطلوب
مثلا تحطين راس السنتمتر من تحت على مكان النقشه وتمدين السنتمتر لما تحصلين على الطول الي تريديه وتحطين على مكان الرقم الصحيح خط صغير بطبشور الخياطه وتضيفين 10 او 20 سنتمتر وتحطين خط ثاني يعني مكان القص
وقماش النقشه لا تقصينه من تحت ابدا
قصيه فقط من فوق

وهذه الادوات الي نحتاجها لخياطه الستاره

هي سفيفه عاديه بدون حبل
ولاصق خاص للستائر
هو ما يلصق لكنه يكون مثل الورق المقوى يرتب الستاره كلها ويظهر الكسرات بصوره واضحه

عندما تكملين خياطتها
مباشرة قومي بكوي المكان الدي خيطتيه كوي عدل
وهذا شكلها بعد الكوي

هكدا بدأنا بالجهه الفوق
اول شي بيكون في خط انتي خطيتيه للطول المناسب
نحط اللاصق على مكان الخط ونطويه شوية حتى تكون الخياطة نضيفة مثل ما موضح بالصوره

وتخيطين بخط مستقيم وعدل لما توصلين النهايه

والجوانب ايظا خيطيها ولا تتركيها مفتوحه

لا تنسي كوي المكان المخاط
وخاصه اذا كان عندك مكوات بالبخار سيكون افضل واسهل للقماش

والان نبدي بعمل الكسرات او الثنيات

اول شي ناخذ مكان الخياط من الجانب ونطوي عليه القماش مرتين ودبس السفيفه فوقه ونكون طاويين شوي من راس السفيفه تحتها حتى ما تطلع خيوطها

هذا شكلها من الجانب

ونبدأ نخيط بنفس الطريقه مره الطويه يمين ومره يسار

بس تكون بترتيب وبنفس القياس

وتفرشين مكان الكسرات على طاوله الكوي
وتكويها بالبخار فقط حتى تضبط الكسرات
ويكون الكوي من الجهه الخلفيه للقماش بكل مراحل الكوي ابد لا تكوين على الوجه

وهذا شكل الستاره من الامام بعد الكوي
وهي اكيد لما تتعلق مكانها بتكون احلى

شكل الكسره الوحده

اتمنى يكون الشرح مفهوم والكلام واضح والصور اوضح

طريقة صنع الستائر البسيطة ، بالصور تعلمى صنع الستائر